Popular Bible Verses from aKolosi 3

Share

Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani.

Mutthokelele itthu sa wiirimu ohiya sa vathi.

Sootheene mumpakaanyu, mupakeke ni murima wootheene ntoko wa Apwiya, ohikhanle wa atthu

Tivawo, ntoko muloko woothanliwa ni Muluku, wootteela ni woosiveleya, mwiiwarihe murima wa ikhararixa, murima wooreera, wiiyeviha, murima woomaala ni moopixani murima.

Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu. Sootheene mumpakaanyu, hata mmasuni, naari mmutekoni, mupake yeeyo mwa Nsina na Apwiya Yeesu, muntthapelaka Muluku Atiithi mwa Yaawo.

Opwaha soothesene, mwiiwarihe osivela ori yookumanela enkhaliha omoha wookwanela.

Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku.

Murettele wa Kristu okhale mphuki mmirimanimwanyu, woonaka weera nyuwo mwiitthaniwe weera mukhale mmuretteleni ntoko mipatta sa erutthu emoha paahi. Ni mutthapeliwe.

Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina.

Nyuwo mohookhwa, ni vano okumaanyu woovithiwa ni Kristu mwa Muluku.

Vanonto, muhiye itthu sootheene iya: isara, onyoonyiwa, otakhala, waapa, masu oonanara ni wuulumawanyu.

Muhootherane mukina ni mukhwaawe, mweenre nyuwo murulaka mukhalelo wa khalayi ni mitekosaya, ni moowara onyowani onrehereriwa woohihiyerereya moosuwelani, ntoko ekhalelo ya Mpattuxaanyu.

Axiiya, mwaasivele axaarinyu ni muhiwuumele murima yaawo.

Anamwane, ngwiiweleleke asinaangolowaanyu, niwoko eyo enaasiveliha Apwiya.

Axaara, ngwiiweleleke asiiyinyu, ntoko ontthuneyaaya mwa Apwiya.