Popular Bible Verses from aKolosi 2

Share

Tivawo hiiho ntoko nyuwo mmwaakhenlaanyu Kristu Yeesu ntoko Apwiya, mpwaherere okhala mwa Yoowo, muthipeliweene ni mupuhihiweene nnenesene mwa Yoowo, mulipihiweene munroromeloni, ntoko muxuttihiwaanyu, mwaattaka mootthapelani.

Mwiipasoope weera ahikhale mutthu aneera oopakeeni ipottha sa miruku sa siiyo ni soolokottha sinrweela wa ikhovelelo sa atthu ni makhalelo a elapo ya vathi ela, ohikhanle wa Kristu.

Nyuwo mwaaraanyu ookhweene mootakhalani ni moohiineliwani wa erutthwaanyu, Muluku ohoohihimuxani vamoha ni Kristu. Owo oonilevelela sootakhala sootheene, ni aamaliha ekaratta ya sookopasahu ni soonyesereriwasaya, mwa seiyo saanoothenre hiyo niwoko na nlamulo. Owo aavenxa ekaratta ele, akhomelaka vamuttandani

Vano, mwa Kristu enkhala ekwanihero yootheene ya omuluku mweerutthuni, ni mwa Yoowo ori muru a ikuru ni olamula wootheene nyuwo mohaakhela ekwanihero.

Tivawo muhimuhiye mukina oothorihakani niwoko na yeeyo nyuwo munkhuuraanyu, naari mungwuraanyu, hoye hoye niwoko na efesta ekina ya ediini, naari na wuupuwelela nyeeri sinyowani, hoye hoye nihuku na eSaabadu. Itthu iya siri irungu sa yeeyo yeera erwe; wa soothesene, ekhaikhai emphwanyaneya mwa Kristu.