Popular Bible Verses from Lburania 13

Share

Emiaku ltung'ana oaata lubo ee ropiyiani, enchoo eitiemu ntae ntoki niatata amu ketejo Nkai, <<Maaing'uaa nanu iyie aikata, namaaiturraa hooyia.>>

Kore Yeso Kristo naa meibelekenya, kore netiu apake, nejia etiu taata, naa nejia etiu ntarasi.

Naaku ikintieu aatejo, <<Laitoriani laretoni lai, namaureicho nanu, kaji aaidim ltung'ani aikuna?>>

Mirikino ias supati tanaa ing'arichiere lkulie, amu kore asat naijo nenia naa lasar oiting'id Nkai.

Naaku kore aimu Yeso, maitaki naa Nkai lasar le nkisisa nkata pooki, kimbalie nkarna enye too nkutukie aang.

Keyiere neyanyit pooki ng'ae nkiyema. Nemeata ajo meaku lpayian o ntomononi naaisiligai, amu keiguanare ꞉Nkai ltung'ani oboitere te sesen lpayian anaa ntomononi namara nenye o pooki ng'ae oas loloito.

Emirikino nkitoomono ee lomon, amu kore te inia oitiei keitoomonita lkulikae lmalaikani meyielo.

Kore Nkai napeny seriani, /nailiepunyie Laitoriani lang Yeso Kristo ilo chekut kitok loo nkerra, taatua lootuata tankaraki naibukori lodo lenye oitibirie lning'o obik ntarasi, meeichoo ntae aiputaki ntoki pooki supat niyieuu payie itumtum aataas inia nayieu ninye. Meichoo naa ꞉Nkai Yeso Kristo metaasicho taatua iyioo payie kitum aataas inia naiting'id Nkai. Metaa nenye nkisisa ntarasi o ntarasi.