Popular Bible Verses from Lburania 12

Share

Naaku kore amu ikiata lturrur kitok loo ltung'ana le nkurukoto ooing'orita iyioo taa mbat pooki kikuetita, maiturrai naa ntoki pooki nairochi o inia ng'oki naonyikino iyioo oleng, nikindip inia kuetata e nkurukoto natii tekue iyioo te ng'iriata. Kore naa kikuetita, maimariria Yeso ilo oatang'asua neitabaya nkurukoto ang, laa kore peedol inia ng'ida natipikaki tekue ninye, neng'iri lkiye to lmusalaba neitu edol anyit. Kore taata naa kewuenita ta mbata e tetene e lorika le nkitoo le Nkai.

Kore nkata pooki naitemei iyioo, naa keme inia kata kake kore tesiedi neyau inia sotua oipida o Nkai oti seriani too lolo ooitemioki.

Entonyok oleng eng'oru seriani o ltung'ana pooki ning'oruru sii sinyaticho, amu tenemeata ltung'ani sinyaticho naa meidimai payie edol Laitoriani.

Entaparru newua sina oitamita ꞉ltung'ana loo ng'ok ninye! Entaparrai naa ninye payie minaururu negila ntae ltauja.

Naaku kore amu iking'amaa inia kitoria nemeigusugus, maichoo naa Nkai nache. Naa kore kiata nache, maisiaayia ninye to nkoitiei naiting'id ninye, kincho nkanyit nikiurie.

Enting'iria inia mion amu nkoitiei ake inia naitubulunyie Nkai ntae ana nkera enyena. Kaa kerai sa meiteme papa lenye?

Amu <<Kore Nkai ang, naa nkima namuticho.>>

Keitubulutua iyioo te nkini kata dorrop ana nadol ninche aajo keisupat, kake kore Nkai naa keitubuluta iyioo payie kitum inia nara supat aa taa sinyaticho enye.

Kore inyaitata larrabal aaibooyo ng'ok, ewuon naa eitu imbooyoyo ana meibukori ntae lodo.