Popular Bible Verses from 1 Yoana 4

Share

Mewuon ngureticho tenebo o inia chaman, amu kore nchaman nasipa nemiraa ngureticho. Kore ngureticho neipirita ndung'oto e nkiguana, naa kore pooki oata ngureticho eitu ebulu abaya te inia chaman.

Nakera ainien, irara ntae ne Nkai, nindipa aatimir lolo oibonok le sapare, amu kore ilo otii atua ntae naa keikitok alang ilo otii nkop.

Ikichamicho amu ninye apa oatachama iyioo tekue.

Lacham lainien, matachamata amu kore nchaman naa Nkai eing'uaa. Naa kore pooki oachamicho naa keino ta Nkai, neyielo Nkai.

Kore pooki lemechamicho naa meyielo Nkai, amu kore Nkai naa nchaman.

Kore nchaman naa ana: Mara iyioo oaatachama Nkai, kake ninye natachama iyioo, nereu Nkerai enye peaku lasar loo ng'ok ang.

Lacham lainien, kore amu ketachama iyioo Nkai aiko inji, keiririkino sii tinikichama iyioo.

Naa nchi eikuna Nkai payie eitodolu nchaman enye tee iyioo, nchere eirriwua inia Kerai enye nabo ake naino, meeu nkop payie eaku ninye kinchiwue.

Naa kore tenejo ltung'ani, <<Kacham Nkai,>> neiba lalache lenye, naa losapicho. Amu kore pooki lemecham lalache lenye otoduaa, meidim atachama Nkai neitu edol.

Kore pooki oibalie ajo kera Yeso Nkerai e Nkai naa kewuon Nkai taatua ninye, newuon ninye taatua Nkai.

Naa ana nkitanapata naichoo ninye iyioo, nchere kore ilo oacham Nkai naa keyiere sii necham lalache o nkanache enye.

Lacham lainien, emiiruk ltau pooki, kake entisipu ltauja payie iyielouu tanaa Nkai eing'uaa, amu ketijing'a nkop ꞉loibonok kumo le sapare. Naa ana iyielounyienyie Ltau le Nkai: Kore ltau pooki oibalunyie ajo keyewuo Yeso Kristo era ltung'ani naa le Nkai

naa kore ilo pooki lemeibalunyie Yeso naa mara le Nkai. Kore ele tau naa le ilo oiba Kristo, litining'o apake aajo kelotu, naa keti abaki taata nkop.