Popular Bible Verses from 1 Yoana 3

Share

Nakera ainien, mikiaku loaacham to nkutuk o te rerei ake, kake matacham taa asat o te ndedei!

Kore nikiteyielounyie aajo nyo nchaman nadede, naa nchere keitayia apa ꞉Yeso nkichui enye tankaraki iyioo. Naa keichiaakino sii nikintai iyioo nkichui ang tankaraki lkulikae.

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

Kore pooki oche aas ng'ok naa le Chitani, amu kore Chitani naa keasita ng'ok apake pee eji ninye ilo. Kore payie /eibalunyieki Nkerai e Nkai naa payie eitarruoo siaai e Chitani.

Meatae hoo loino ta Nkai oas ng'oki, amu keti lantararai le Nkai atua ninye, nemeas ninye ng'oki amu keino ninye ta Nkai.

Amaa, tanaa keata ltung'ani ntokitin e ana kop naaichiwue, nemeing'urrie aicho lalache lenye oata sina, kaji eiko nchaman e Nkai tenetii atua ninye?

Kore ilo ooibung nkitanapat enyena newuon taatua ninye, newuon sii ꞉ninye taatua ilo. Naa te ilo Tau oichoo ꞉ninye iyioo kiyielou aajo kewuon ninye taatua iyioo.

Naa ana eyielounyieki nkera e Nkai o ne Chitani: kore pooki ng'ae lemeas sipat nemecham lalache lenye, naa mara le Nkai.

Ele naa lkilikuai litining'o apake ta ng'asunoto, nchere payie kichama iyioo

Eming'asia lalachera lainien tanaa keiba ntae nkop.