Popular Bible Verses from DOMAANO 5

Share

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

Yää cöwo’womoocödööcomo cöjöichojootäiñe’da na’de, Wanaadi jummadö cötö’tajäätödööcomo aca yeijäcä, Epíiditu Santo ni’wa’tädö que, ñäädä cöwwäiñe u’ajä naadö.

Mädä jäcä mma’da ta’cwaiñe caato, cöwäntunamjödaawäiñe mmajaane, cowaanäcäiñe yeijäcä wäntunaanö’nä aashicha tönshinchä weiñä töneejodööjo yeichö. Yäätonno yää tönshinchä weiñä aashicha cöcoonecaato yaawä. Aashicha cöweichöcoomo mmaane nejoodöja cöwo’womoocödööcomo.

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije. Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

Cönwanno cöwwäädäiñe dea ääwanaacajai’cha cöweichöcoomo Quidiito tucu’nädö awä cönäämai cöjääcäinchädäiñe, cönwanno conemjöncomo jäcäinchädä.

Eduuwa Quidiito wääma’jödö jäcäinchädä Wanaadi jadoonoje caato. Töwaacö’je mma eduuwa Wanaadi aashichaato tödööjai ña cöjääcäiñe; töwö cäwaanacaato’de yää wätä’maminchajootojo anootoi’chädö jonno.

Tooniyaano dhanwa chäänönge’da yei’jödö e’nei jooja’como soto conemjönö tödönnamooje cönä’döicho. Mädääje mmaja tooniyaano dhanwa chäänönge yei’jödö e’nei chaja jooja’como soto Wanaadi jadoonoje nä’döjaato.

Cönwanno Wanaadi jäcä ta’cwaiñe caato Cädhaajotoncomo Jesuuquidiito jäcäinchädä, töwö Quidiito jäcäinchädä Wanaadi jadä ääweichacoonoje cöwä’dö’jocoomo weijäcä.