Popular Bible Verses from DOMAANO 6

Share

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

Wautisaaje cöwä’dödööcomo que Quidiito wääwaaca’jödö nönge mmaja cääwaacatääne dea; töwääma cä’ja’quene yaawä. Yaawä töwö Tumö jäduudu aashichaato woije töwäämaajo jonno cönaadoncai. Chääjadoonoje cöweijäcäiñe cönwanno mmaja caadoncatääne dea yaawä, eduuwaatoje cöweichöcoomo wetä.

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

Cönwanno cowaanäcäiñe na yää jenaadä cöwei’jocoomo Quidiito jadä cuduusa jäcä yääma’jödö. Yaawä yää conemjönö tödö’se weiñä cönäämai. Yääje yeijäcä conemjönö tödöödö anoonöje eijai’cha caato eduuwa.

Mädääje mmaja änwanno chö’tamme’jai maato conemjönö wwä yäämaajä nönge aweichöcoomo; Wanaadi wwä mmaane nudä maato, Cädhaajotoncomo Jesuuquidiito jadä.

Yääje yeiya’jäcä ¿aaquene ä’döjai caato? ¿Conemjönö tödöödöje dea queichäiye, jooje’cä Wanaadi nutuudu aashichaato ejaamöiye, quee ’ja? Ng’jn, mädääje’daane. Cönwanno conemjönö tödöödö jäcä yäämaajä nönge caato. Yääje yeijäcä ¿aaquene mmaja conemjönö tödöödöje dea queichädö deaade’ ?

Änwanno odhoowanääcäiñe na anejja soto wwä äwä’tua’comjäcä shootoije aweichöcoomo wetä, ñäädä anoonöje eijai aweichöcoomo yaawä; imjummadö woije eijai yaawä. Mädääje mmaja änwanno; conemjönö woije aweiya’comjäcä wäämato’me noowonö’jaca. Dha’da ’quene Wanaadi woije aweiya’comjäcä chäänönge aweicho’comooje daja nejoodöja.

Jenaadä conemjönö anoonöje mä’ja’quene; eduuwa mmaane tödö’se aweichöcoomo que owoowanooma’jocoomo woije maato, yää chääque towaanoma maatoodö. Yääje yeijäcä aashicha Wanaadi tä’tämje na. Conemjönö anoonöje aweichöcoomo jonno töwä’sancwajo maato eduuwa aashichaato tödöödö anoonöje daja aweichöcoomo wetä.