Popular Bible Verses from DOMAANO 4

Share

Töwö Aawadán aneecamjö’da’da cönä’jaacä Wanaadi necamma’jödö; täcaanö’e’cä mmaane cöneecamjöi. Aashicha cöna’deuwöi chea Wanaadi jäcä. Töwö dhowaanäcä cönä’jaacä töneecamma’jödö nönge Wanaadi tödööjai yeichö.

Wanaadi owaadäädä, ñäädä Aawadán cöneecamjöichö dea. Edääje Wanaadi a’deddu imennaajä nä’döa: “Wannacoomo soto adaichöje männöne;” quee. Ñäädä Wanaadi yäämaajo jonno adoncatä, a’cato töncatu’nacaajo mmaja.

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

Ñäädä Aawadán cöneecamjöi, täcaanö’emje’dato wa’cä yeichaame. Mädääje wannacoomo soto adaichöje töwö cönä’döi, Wanaadi necamma’jödö nönge dea: “Yää ’cäwa’cä adhaatödö naato’de;” quee yä’dö’jödö nönge dea.

Yääje yeijäcä yää Wanaadi necamma’jödö cönäätäcammai ecamjödö jäcäinchädä, täje’da yä’tudu wetä yaawä, tameedä Aawadán atö’jödö wwoncomoojeene yeichö wetä mmaja. Jenaado’jä waanontänä woija’como wwonooje mma’da yää Wanaadi necamma’jödö, Aawadán necamjö’jödö nönge ecaanö’nnamo wwonooje mmajaane. Yääje yeijäcä ñäädä Aawadán tameedä cadai’choncomooje na

Edääje cönä’döaacä töwö Dawí: Ta’cwaiñe naato ñanno choone’nadiiyöcoomo encwanno’ja’como, ñanno choone’nadiiyöcoomo ta’due naadö. Ta’cwaiñe ñäädä choone’nadiiyö Cajiichaana aneejemaajo’da naadö; quee cönä’döaacä Dawí.

Edääje Wanaadi a’deddu imennaajä nä’döa: “Aawadán Wanaadi cöneecamjöi; yää ñeecamjödö jäcäinchädä Wanaadi töjaadonooje cönnöi;” quee imennaajä nä’döa.