1
DOMAANO 3:23-24
Wanaadi A'deddu
MCH
Tameedä soto conemjönö cönnöicho; aashicha Wanaadi weichö nönge töweicho’como ejoodöjai’cha naato. Yääje yeichaame Wanaadi töjaadonooje soto nödööaato ejeemajancädä’da, aashicha töweichö woije mmädääne, Jesuuquidiito wwä ewaanaca’jocoomo weijäcä.
Compare
Explore DOMAANO 3:23-24
2
DOMAANO 3:22
Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.
Explore DOMAANO 3:22
3
DOMAANO 3:25-26
Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo. Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.
Explore DOMAANO 3:25-26
4
DOMAANO 3:20
Jenaado’jä waanontänä tödöödö que Wanaadi jadoonoje ä’döjai’cha caato. Yää waanontänä conemjöncomooje cöweichöcoomo ecammaneije mma na.
Explore DOMAANO 3:20
5
DOMAANO 3:10-12
Edääje Wanaadi a’deddu imennaajä nä’döa: Aashichaato ’je’da na soto, tooni’chä a’que. Etaanei ’je’da na; Wanaadi ujiiñei ’je’da mmaja. Tameedä soto tösaadijange naato, töweecone’ma mmaja. Aashichaato tödöönei ’je’da na, tooni’chä a’que.
Explore DOMAANO 3:10-12
6
DOMAANO 3:28
Mädääje na; ecamjödö que Wanaadi jadoonoje cä’döjaato, jenaado’jä waanontänä woije tödöödö que’daane.
Explore DOMAANO 3:28
7
DOMAANO 3:4
Ng’jn, yääje’da yeichaame. Wanaadi chäänöngeedä na yeichöje, tameedä soto chäänönge’da yeichaameiñe. Edääje Wanaadi a’deddu imennaajä nä’döa: Adha’deddu jäcäinchädä chäänönge mätä’täja’de; chäänönge määneja’de äwäätämmencajoodawä; quee imennaajä nä’döa.
Explore DOMAANO 3:4
Home
Bible
Plans
Videos