Popular Bible Verses from DOMAANO 13

Share

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

Töneejeque’nä’e dea meichäi’che; yää que mma soto ejeeque’nä’täcä, wä’jummanä que mma. Ñäädä wä’jummanä dönei tameedä waanontänä nödööa.

Tameedä eijai maato acu’shänä woije. Acu’shänä ’je’da na Wanaadi woijatoojemjönö. Canno acu’shänääje naatoodö Wanaadi woije mädääje naato.

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

Ñäädä wä’jummanä ’jano conemjönö ännö’da na töweichacoono jäcä; yääje yeijäcä wä’jummanä yää waanontänä wä’dödö woije weiñä.

Tameedä aneejeque’näjöödöcoomo ejeematääcä. Audaajä jäcä ejeeque’nä’a’jäcä äwwä, ejeemacä, acu’shänä nejeemajoodö mmaja. Ñontätääcä ñäädä tönontäämö; o’jodhe ene’matääcä ñäädä o’jodhaato.