Popular Bible Verses from DOMAANO 12

Share

Edä nono de’wono woije’da eichäcä; tösa’duminchaane ätö’tajäätödööcomo sha’duminchatääcä, aweichöcoomo mmaja esa’duminchaiyede yaawä. Yaawä Wanaadi woijato odhoowanääcäiñe ä’döjai ña, töwö yaacötö mmaja, yää aashichaato, chäänöngato mmaja.

Yääje yeijäcä jimmä, edääje äwäätuuja’seiñe wa, Wanaadi wwä wentumje adheene’jocoomo weijäcä: Chäwwä ä’tutääcä, saaquidiijiisiyo nudootoje, tösooma, Wanaadi wacö’je mmaja. Mädääje chäwwä tödööjai maato.

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

Conemjönö wwä mma moto’jodheinchajoi; amäädääne conemjönö e’jodheinchacä aashichaato que.

Ä’jummatääcä töweichacoono ijummadö töweiye naichöje deaane, äwä’jummadö e’jodhe’cä aweichacoono ijummancädä, owo’nontancädäiñe mmaja.

Wätäncu’tänä que’da ä’jummatääcä. Conemjönö chiiñu’tätääcä; aashichaatoone ijummatääcä.

Täncanoode’da eichäcä tameedä soto jäcäiñe, eijai aweichöcoomo woije.

Jimmä umjummadö, änwanno dea mma moojo’tätäi’che, Wanaadiiñe ojo’toto’ñojo. Edääje Wanaadi a’deddu imennaajä nä’döa: “Öwö öwwono yää woojo’tänä; öwö wejeema’de; quee Cajiichaana nä’döa;” quee imennaajä wä’dödö na.

Ä’jädu’tätääcä; töquiiñe’da eichäcä; tödö’se aweichöcoomo que Cajiichaana Jesuuquidiito wwä tödöötäcä.

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

Conemjönö que mmaja conemjönö maneemetaacamaatäi’che. Aashichaato tödöödö encano’tätääcä tameedä soto neneedöcoomoje.

Ä’tu’de’tä’daane eichäcä änwannoje dea. O’jodhe awei’sheiñe’da eichäcääde; ema’jödööja’como jadä mmaja ääweichacoonoje eichäcä. Äwwäädäiñe mma towaanojo’ne määcanö’täi.

Edääje mmaja Wanaadi a’deddu imennaajä nä’döa dea: “Ämiije ätu’dedö weiya’jäcä, ewanshinchäcä; emjätö’se yeiya’jäcä, yoocödö änu’cä. Mädääje äwwä tödööa’jäcä ijöichojoojai ma yaawä; cone’da töwö ä’döjoojai ña yaawä;” quee imennaajä wä’dödö na.

Aashicha adha’deutäcä amaaminchannamo jäcä; aashicha Wanaadi wwä chääjäcäiñe adha’deutäcä, cone’da’daane. Ta’cwaiñe eichäcä ta’cwaiña’como jadä; wentumja’como jadä mmaane töwaamo daja aamotääcäde.

Quedeiyentecoomo i’wa’tätääcä chäwwäiñe a’que yeichawä. Aashicha tödöötäcä adöiñancomo wä’döa’como.

Cönwanno cäjööcomo na wannato ejoodöjaajä. Yää cäjööcomo jäcoono yää dea tödööneije’da na. Mädääje mmaja cönwanno quedeiyentecoomo; wanna cöweichaameiñe tooni chääjö caato, Quidiito jadä cöweichomjäcä. Tojoodöjoojä’e caato yää dea ejööje cöweichöcoomo wetä.