Popular Bible Verses from DOMAANO 14

Share

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu. Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

Nudä cöweichöcoomo Cajiichaana wwonooje caato; cöwääma’comjäcä Cajiichaana wwonooje dea caato. Mädääje na; nudä cöweichöcoomo jeiñe mma, töwääma cöweichöcoomo jeiñe mma, Cajiichaana wwonooje dea caato.

Yääje yeijäcä yääne quencano’täto’ñojo, täncanoode’da cöweichöcoomoone, cöwe’wa’tädööcomo mmaja.

Yääje yeijäcä cöjimmotoncomo chimmajä’jai’cha caato. Edääjeene eijai maato: Aweichacoono sadiijannä’caneije mma mei’che, conemjönö aca mma manaadimai’chede.

Edääje Wanaadi a’deddu imennaajä nä’döa: Chäänönge yääje wä’döa, öwö je’taca tameedä soto tä’mudhe nä’döaato’de; tameedä aashicha na’deuwaato’de Wanaadi jäcä; quee Cajiichaana nä’döa; quee imennaajä nä’döa. Yääje yeijäcä cöwaadäiñe cöweichöcoomo jäcä cätääcamma’jajaato’de Wanaadi wwä.

Aashicha ajaadäiñe tödöötäcä ñäädä ecamjödö jäcä jäduujemjönö; ñeecamjödö jäcä chääjadä mätäccujä’täi’che.

¿Änääcö amäädä anejja sotoi chiiñemeecödö wetä? Chäädhajääne mädä encano’täjai ña, chäänönge yeichö jeiñe mma, chäänönge’da yeichö jeiñe mma. Chäänöngeene na’de, Cajiichaana Jesuuquidiito jäduuje yeijäcä mädä tödöödö jäcä.