Popular Bible Verses from कुलुस्सियों 3

Share

अगर तुसा का कुसकी पर इल्जाम लाणे री कोई वजह हो तां भी तुसा इक्क-दुजे री गल्लां जो सहन करी लेयो, इक्क-दूज्जे रे अपराध माफ करी देयो, जिय्यां की प्रभु ने भी तुसा रे अपराध माफ कित्ते, तिय्यां तुसा भी करो।

दुनिया री चीजां पर नी, पर स्वर्ग री चीजां पर ध्यान लांदे रेयो।

जे किच्‍छ तुसा करदे, से पूरे जी-जान कने करो, ते ए मन्नी करी कि तुसा लोक्कां तिकर नी पर प्रभु तांइ करेया करदे हिन।

किजोकी परमेश्वर तुसा जो प्यार करदे ते तिन्हा ने तुसा जो अपणे पवित्र मणू बणने तांइ चुणी लित्ते रा है, इधेरे तांइ तुसा बड़ी करुणा, निमतापन, भलाई, कने सहनशीलता ते दया रा स्वभाव धारण करी लेयो।

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो। ते जे किच्‍छ भी तुसा करदे या बोलदे, से मसीह यीशु रे नां बिच करो, तिन्हेरे जरिये पिता परमेश्वर रा शुकर करदे रेयो।

सबका जादा जरुरी गल्ल ए है, कि तुसा इक्क-दूए कने भरपूर प्यार करो। इय्यां करणे कने तुसा पूरे तरिक्के कने इक्क-मन होई जाणा।

अवे जां तुसा मसीह यीशु कने मुर्देयां बिच का फिरी जिन्दे कित्ते गे, तां तुसा स्वर्ग री चीजां री इच्छा रख्खो, ते जित्ते मसीह यीशु हिन, से परमेश्वर रे सबका जादा महिमामय जगाह् पर तिन्हेरे नेड़े बैठ्ठे रे हिन।

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

किजोकी तुसा तां अपणे पाप रे स्वभाव बिच मरी चुके रे हिन, अवे तुसा री जिन्दगी मसीह यीशु कने परमेश्वर बिच लुके री है।

पर अवे तुसा इन्हा सारी गल्लां जो, जिय्यां की गुस्से, रोष, दुश्मणी, बैर-भाव, बेजती करणा, गालीयां दैणा, छड्डी देयो।

इक्क दूए कने झूठ मत बोल्लो, किजोकी तुसा ने अपणे पुराणे बुरे कम्मां जो छड्डी दित्ते रा है। तुसा अवे इक्क नौए मणू बणी गेरे हिन, ए नौआ स्वभाव अपणे बणाणे वाले परमेश्वर सांई बणदा जाया करदा है ते इस वजह कने तुसा परमेश्वर जो जादा ठीक तरिक्के कने समझणा।

ओ लाड़ेयों, तुसा भी अपणी लाड़ियां कने प्यार कने रेयो ते तिन्हा कने सख्ती मत करो।

ओ बच्चेयों, अपणे मां-प्यो री हर इक्क गल्ल जो मन्नेया करो किजोकी प्रभु इसी गल्ल कने खुस हुंदे।

ओ लाड़ियों, तुसा अपणे लाड़ेयां रे अधीन रेयो, किजोकी मसीह यीशु रे विश्वासियां तांइ ए ही करणा सही है।