Popular Bible Verses from कुलुस्सियों 3

Share

ते जेकर कुसे गी कुसे उपर दोष देने आली कोई गल्ल ऐ, तां एक दुए दी बर्दाश करी लियो लो, ते एक दुए दे पाप माफ़ करो; जियां प्रभु ने थुआड़े पाप माफ़ कित्ते, उयांगै तोस बी माफ़ करो।

तरती दी नेई लेकन सोर्ग दी चीजें उपर त्यान करो

ते जे केछ तोस करदे ओ, तन मन कन्ने करो, ए समझीयै के मनुक्खें आसतै नेई लेकन प्रभु आसतै करदे ओ

एसकरी परमेसर दे चुने दे लोकें आला लेखा जेड़े पवित्र ते प्यारे न, बड़ी दया, ते पलाई, ते लीमंगी, ते नम्रता, ते सबर गी तारण करो

मसीह दे वचन गी अपने एर्दें च मता जादै बसना दियो, ते सेध ज्ञान कन्ने एक दुए गी सखाओ ते चकने करो, ते अपने-अपने मन च शुक्रगुजारी कन्ने परमेसर लेई भजन ते स्तुतिगीत ते आत्मिक गीत गाओ। वचन थमां जां कम च जे केछ बी करो सबी प्रभु यीशु दे नां कन्ने करो, ते ओदे थमां परमेसर पिता दा शुक्र करो।

इनें सबनी च प्रेम गी जेड़ा सेध करने आला लक्क दा कपड़ा ऐ ओदे कन्ने लक्क बन्नी लियो।

जेलै तोस मसीह दे कन्ने जिन्दे ओई गेदे, तां सोर्ग दी चीजें दी ढूणढ च रवो, जिथें मसीह आजर रौंदा ऐ ते परमेसर दे सज्जी बक्खी बैठे दा ऐ।

ते मसीह दी शान्ति, जेस लेई तोस एक जेंद ओईयै बलादे बी गेदे ओ, थुआड़े एर्दें च राज करै; ते तोस शुक्रगुजारी बने दे रवो।

एसकरी अपनी जेंद दी खुआशें गी मारी सुटो, जेड़ीयां एस तरती उपर बुरे कम करांदीयां न, मतलब ब्यभिचार, अशोद्धता, पाप करने दियां इच्छ्यां, बुरीयां खुआशां, ते लालच गी जेड़ा मूर्ति पुजा दे बराबर ऐ।

किके तोस जेंद च तां मसीह कन्ने मरी गेदे, ते थूआडी असली जिंदड़ी मसीह दे कन्ने परमेसर च छपी दी ऐ।

लेकन ऊन तोस बी इनें सारीयें गल्लें गी, मतलब क्रोध, रोष, बैर-पाव, निंदया, ते मुंह थमां गालियाँ बकना ए सारीयां गल्लां करना छुड़ी दियो।

एक दुए कन्ने चुठे नेई बोलो, किके तोस पुराने स्वाव आले मनुक्खे गी ओदे पुराने कम्में दे मताबक तुआरी ओड़ा ऐ ते नमें स्वाव आले नमें मनुक्खे गी पाई लेता ऐ, जेड़ा अपने बनाने आले दे रूप दे मताबक ज्ञान आसल करने आसतै नमां बनदा जंदा ऐ।

ए पतियो, अपनी-अपनी पत्नी कन्ने प्यार करो, ते उन्दे कन्ने कठोर सलूक नेई करो।

ए बच्चयो, सारीयें गल्लां जेड़ीयां तोस करदे ओ अपने-अपने माता दे उक्म दा पालन करो, किके प्रभु एदे कन्ने खोश ओंदा ऐ।

ऐ पत्नियों, जियां प्रभु च जायज ऐ, उयांगै अपने-अपने पति दे ताबे रवो।