Popular Bible Verses from कुलुस्सियों 2

Share

एस लेई, जियां तुसें मसीह यीशु गी प्रभु करियै ग्रहण करी लेता ऐ, उयांगै ओदे च चलदे रवो, ते ओदे च जड़ पकड़दे ते बददे जाओ; ते जियां तुसेंगी सखाया गेदा उयांगै विश्वास च मजबूत ओदे जाओ, ते परमेसर गी मन दी खुशी कन्ने शुक्रगुजारी करदे रवो।

चकने रवो के कोई तुसेंगी ओस खोखले ज्ञान ते बेअर्थ तोखे थमां अपना शकार नेई बनाई लै, जेड़ा मनुक्खें दे रीति रबाज ते दुनिया दी आत्मिक श्क्तितें दे मताबक ऐ, लेकन मसीह दे मताबक नेई।

ते ओसने तुसेंगी बी, जेड़े अपने प्रादे, ते अपनी जेंद च खतना नेई कित्ते दी मोड़दा आलत च हे, परमेसर ने असेंगी मसीह दे कन्ने जिंदा कित्ता, ते साड़े सारे पापें गीं माफ़ कित्ता, ते विधि कनून दे लेख ते मदद आले नियम जेड़े साड़े नां च ते वरोध च हे मटाई दिता, ते उनेंगी सूली उपर कीले कन्ने जडियै साड़े सामने थमां अटाई दिता ऐ।

किके परमेसर दी सारी पर पूरी ओसदी जिंदु च वास करदी ऐ, ते तोस ओदे च परपुर ओई गै ओ जेड़ा सारी प्रधानता ते अख्त्यार दा बड़ा ऐ।

एसकरी खाणे-पीने जां त्यार जां नमें चांन्न, जां यहूदीयें दे बसां दे देन दे बारै च कोई थुआड़ा न्याय नेई करै। किके ए सारे कनून औने आली गल्लें दी परछाओं जेई ऐ, लेकन मनैदी गल्लां मसीह दियां न।