Popular Bible Verses from Josyuwa 6

Share

Mpoonya Mwami Leza wakaambila Josyuwa kuti, “Munzi wa Jeliko nduuaba kulinduwe, kubikkilizya amwami antoomwe abasilumamba bakwe.

Mwaakumvwa buyo kuti bapaizi bamvweemuna myeembo, basilumamba boonse bakapozomoke kapati, nkabela bwaanda bwamunzi buyoowa ansi dilili. Mbobati kanjile oobo.”

Kwamazuba aali cisambomwe yebo abasilumamba bako mweelede kuzinguluka munzi ooyu lomwe abuzuba.

Bapaizi bali ciloba bakabweze myeembo yameja aabagutu, bamana bakaime kumbele lyabbokesi lyacizuminano. Mubuzuba bwaciloba yebo abasilumamba bako mukazinguluke munzi ziindi zili ciloba bapaizi kabanooyoosiba myeembo.

Lino munzi wa Jeliko wakapingwa kapati kuti Baisilayeli babule mpobanjilila. Taakwe muntu wakali kukonzya kuzwa nikuba kunjila pe.

Ciindi caciloba eeci, bapaizi nibakalibambila kusiba myeembo, Josyuwa wakalailila basilumamba bakwe kuti bapozomoke. Wakati, “Mwami Leza waaba munzi ooyu kulindinywe!

Munzi azyoonse zili mumo zinyonyoonwe kuti zibe mbuli cipaizyo ku Mwami Leza. Pele buyo Lahabu mwaamu antoomwe abaabo bali muŋanda yakwe mbabeelede kulekwa, nkaambo wakasisa basikutwela mbitwakatumide.