Popular Bible Verses from YOHANES GI NIGOM 4

Share

No di yai ningon ngakei yamti leu Allah ningon digit bi. Lewo ningon ngakei yamti di kwei leu Allah bindei pror ningon digitti hagom bingwig. Gino hi ningon digit tut Njap dino Allah migwam nok Nikei mem tungwatu nya ne no dima yai ningon ngakei yamti ei ningonti bi.

Noro dimunggwom bat jen, Allah ninyeng tak kep je ba, jibindei cut nabi nitrowai nya tug hon Allah Ninnei di jiyai ei jingonti tu. Ninnei dima sindem bibor dor njiriek ninnei di tungwatu dihyeisi dini igyai ei ingonti.

Ingon ngakei yam lewo Allah ningon ngakei nye bibie.

Disut bat di dingon kieti jen! Jikwei ba, yahagom ingon ngakei yam lewo Allah ne nibousi mem ningon ngakei yamti ri. No di ningon ngakei Allah kin tungwatu nya ne Allah nimunggwom rin ba, ningon dorti tut Noni.

No di ningon ngakei Allah kin tungwatu nya bi ningon dorti tut Allah bi lewo Allah ne nibousi mem ningon ngakei yamti ri.

Ningon ngakeisi rinok gini. Ingon ngakei Allah bibie bi. Noro Noni ningon ngakei nye bibie leu api pinak Nipmot kwei ei dihyeisi dini leu binhyepo igyai nikos ser ide sisarti tug hon Noni.

Disut bat di dingon kieti jen, gino Allah ningon ngakei nye nok gima lene ma nyeni cem ingon ngakei yam.

Allah ndo ningon ngakei nyeti brei binye tirigi pinak Nipmot di nimig gom ngat kwei ei dihyeisi dini leu binhyepo igyai niyaijo nijep tug hon Noni.

Gino hi pai bipia ningon ngakei Allah noro ba nitok bak nisut no di Kresten hi lene no dima nok no di ris ri. Gino ningon ngakei nisut no di Kresten di noni ngat bou niyai him bi lene bit bon ningon ngakei Allah di noni ngat bou niyai him bigyo cem bi.

No di pai jit bipia Yesus ne Allah Nipmot rin lene Allah niyaijo nok gom kin noni ba, noni cem niyaijo nok gom kin Allah.

Tut gima lene Kristus nicuk nyeti pai bipia suar no di ningon ngakei Allah ningon ngakei nisut no di Kresten cem.

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom. Gino hi pai jit bipia Yesus Kristus srek kwei ei dihyeisi dini nok tungwatu lene no dima yai Ninnei di kwei leu Allah. Jingon midorti tut bipia no dima yai Allah Ninnei ei ningonti tu.

Noro no di tte tut Yesus nisrek kwei ei dihyeisi dini nok tungwatuti yai Ninnei di kwei leu Allah bi. Noni yai ninnei di kwei leu No Di Ba Nitok Bak Kristus. Jimiap tut ninnei dima ninghapti tu bipia mikwei rin lo, ammani ne no rinaha ei dihyeisi dini.