Popular Bible Verses from YOHANES GI NIGOM 3

Share

Dimunggwom bat jen! Ma indo ingon ngakei yamti tug hon mun di ipai ei yuhui him he au. Noro ma iba ningon ngakei yamti bingondut yam igbit tug hon igyai munti nya.

Ingon dorti tut mun di bindei mbut ningon ngakei yamti tug hon Kristus di kes niyaisi ei mem nye. Ma nyeni cem ikes igyaisi ei mem isut bat nya!

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

No di ntun Allah him binok nimunggwom bon sisar ninyen bi. Lewo Allah sindem tut no dima ningonti leu api bit bon noni bon sisar ninyen kan bi lewo Nicig ne Allah ri.

Gino no di nyeng tut ndigban ngat nisut di nuhwap mbum bingondut noni bi ne bit bon noni kon nihyet tut nonti bipai bipia Allah ningon ngakei yamti jo ei ningonti kan bi.

No di yai igbit Allah nicuk noti nya niyaijo nok gom kin Allah ba, Allah niyaijo nok gom kin noni. Ingon dorti tut bipia Allah niyaijo nok gom kin nye tug hon Ninnei di Noni kes ei ingonti.

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

Nihyet di jimiap habiei ei nimbie him tirigi sindi jingon jo kep Kristus pai bipia suar ingon ngakei yam.

Gima rino disut bat jen, ma jinga leu sut tungwatu dihyeisi dini di ingon mpo tut je au.