Popular Bible Verses from Kuvayo 23

Share

Ariko jewe Uhoraho Imana yanyu abe ari jewe musaba, nanje nzohezagira ivyo kurya vyanyu n’amazi yanyu, kandi nzokūra indwara muri mwebge. Mu gihugu canyu nta wuzokorokesha inda, nta wuzoba intavyara: ibitigiri vy’imisi y’ukubaho kwanyu nzobishitsa, ntimuzokenyuka.

Ehe ngira ntume umumarayika imbere yanyu, abazigame mu nzira, abashikane aho nateguye.

Ariko ni mwamwumvira vy’ukuri, mugakora ivyo nzovuga vyose, nanje nzoba umwansi w’abansi banyu, nzoba umurwanizi w’ababarwanya.

Ntimuze muherēre ku ruhande rwa benshi bari mu nama y’ibibi, kand’ ūshinga intahe mu manza, ntaz’ aje iyo benshi bari, bigatuma bagoreka urubanza; kandi ntimuze mutsindanishirize umuntu mubitewe n’ukw ar’ umworo.

Ntimuze mwāmāmaze inkuru z’ibinyoma; ntihaze hagire uwifatanya n’ikigāba kuba icabona c’ibinyoma.