Popular Bible Verses from 1 Wakorinto 12

Share

Na kwa kila mutu Roho anajifunua kwa faida ya wote.

Ninyi wote ni mwili wa Kristo, na kila mumoja wenu ni kiungo cha mwili ule.

Kama kiungo kimoja kikiumia, viungo vingine vyote vinaugua pamoja nacho. Kiungo kimoja kikiheshimiwa, viungo vingine vyote vinafurahi pamoja nacho.

Basi mutu mumoja anapewa na Roho uwezo wa kusema maneno ya hekima, na mwingine uwezo wa kusema maneno ya ufahamu na Roho yule yule. Mwingine anapewa imani na Roho yule yule na mwingine uwezo wa kuponyesha wagonjwa. Mwingine anapewa uwezo wa kufanya miujiza, mwingine zawadi ya kutabiri, na mwingine uwezo wa kutambua roho ya uongo na Roho wa ukweli. Mwingine alipewa uwezo wa kusema luga za ajabu na mwingine uwezo wa kutafsiri luga zile.

Ni yule yule Roho mumoja anayetenda mambo hayo yote, akimupa kila mumoja zawadi mbalimbali kama anavyopenda.

kusudi kusikuwe mabishano katikati ya viungo vya mwili, lakini vyote visaidiane sawasawa.

Kuna zawadi mbalimbali, lakini ni Roho mumoja anayezitoa. Kuna utumishi wa namna mbalimbali, lakini ni Bwana mumoja ndiye wanayemutumikia. Kuna kazi za namna mbalimbali, lakini Mungu ni mumoja anayewezesha watu wote kuzitimiza.

Vilevile Mungu ameweka kwanza mitume katika kanisa; pili manabii na tatu walimu; kisha kunakuwa wale wenye zawadi ya kufanya miujiza, ya kuponyesha wagonjwa, ya kusaidia wengine, ya kuongoza wengine, ya kusema luga za ajabu.

Mwili hauundwi na kiungo kimoja tu, lakini na viungo vingi.

Lakini zaidi ya hiyo, viungo vya mwili vinavyoonekana kuwa zaifu, ndivyo vinavyokuwa vya lazima.

Kama mwili wote ungekuwa jicho, namna gani ungeweza kusikia? Na kama ungekuwa sikio, namna gani ungeweza kunusa? Lakini sasa, Mungu amepanga viungo vya mwili kila kimoja kama ilivyomupendeza. Kama vyote vingekuwa kiungo kimoja, mwili haungekuwa!