Popular Bible Verses from IMBARANI 13

Share

Màtawa na lurimi ka àmbu na-panyàku-ya àmahu, tàka màtawa kai patoma wàbianya nggàraya tuda na maninya lai nyimi. Maa ba mbàda panii-naka i Ala, “Nda jia màta-anggunggau dàngu nda jia dunjaku-anggunggau,” wàna.

I Yehu Karitu duna jia - jia-maya, àmangu nàhukai dàngu lundu nu - nu.

Tuna nuduka hi tatoru mbeni papanii, “I Miri jiaya na ndulanggu, nda ku-mangàdatu-a. Jia nggiki-nangga-kaka tau?” hi wànda wàngu.

Àmbi marombangu-du la patuu mahàmu dàngu la pa-maràngga pandula dàngga angumi, nadu ba jiaha da maraku tungu yiadu da maliya na etina i Ala.

Jia ba tuna ba nali padua-nda i Yehu, màtawa ka tawo - wotu mànunya i Ala; nuna nu kameti maraku pa-malangungu-ndanya lai Nyuna, na maluhu la tàda ngaru ba tawotu hailanya na ngarana.

Màtawa na lii lalei lii mangoma ka natembi ndàbaya tau, jia ba tuna nudu hi lupanguma bàdi da-maràngga pa-manundungu dua wikida da mapalei pa-pahangu. Na tau na ma-kajari dàngu na ma-njuraku napa ngeru na-patanda-nya ngerana paraïna i Ala.

Àmbi jia màtangu dimi panggepi ariyaa pandedi tandami la umami. Nadu ba wundaya na matungu nu, mbàda ninguka tau manggepi ariyaa la umana bundu nda pinanya ba papalewa-ha.

I Ala mbàda paluri-nanyaka na Mirinda i Yehu welingu la meti. Jiaya na metina nuna-duka nàhu hi nanjadi Hupu Ma-pawangu lai nyuta mbimbina. Nu na metina pamàndu-mbunanya na njanji pa-lupangu na patura-nanda nyuta i Ala. Màla àruki i Ala na pingi polana na peku na hàmu ka na-pamàtu-nggainya na mahàmu hangia - hangia da pa-kalana-mi la pawunda wànya na pambuha-na. Màta àruki rukuna i Miri Yehu Karitu, ka natuya i Ala daa la etinda nggàraya na pambuha-na. Màtawa i Karitu ka wotu hailanya lundu nu - nu! Amingu.