Popular Bible Verses from IMBARANI 12

Share

Nu ba tuna, na ngera wikinda nyuta nda uku dangu-maha da ma-hakahii la winggiru-nda! Jia ba tuna, màtawa ka tatòku ndàbanja da ma-pambotu-ta dàngu da njala da ma-karitaku mànuta. Dàngu màtawa ka taparukangu papalai la ngia pa-parimbu na pahangganda. Màtawa ka tapanau-ya i Yehu, maa ba Nyunadu na ma-patumbu-ya na pawainda hi naopa-nya welingu pàku la pakiri-na lupa la hupu njàpuna. I Yehu na-patoru-nya na mayila-na la ai harikangu! Nda na-kawela-anya na meti la ai harikangu nuna ba pa-makia wànguya. Pangàda-nanya na hawola-ma-a na papàda-na ngeru. Nàhu mandapu-nanyaka la kawana kanjàka hanganji-na i Ala hi anguda la pa-pareta.

Deningu-mana nu ba payalu-nda, nda pahàmu eti wàngu-aya ba pa-wàhiku-nda, tàka pahawina wànguya. Na nyuna tai la malamiri-na, ndumanda nyuta duta pambàda payalu-na, nu ba na-pawàhiku-nda jia-yaka na mapawitinya hi kiri luri nunju-ndanya na pawuku-na i Ala dàngu hi tatàka-nya na pàda-ndanya na luri mambiru.

Pamukarungu-wa la paluri papeku dàngu tauka mbuu ndàbana. Pamukarungu-mbu la paluri matua, ka ndumana i Miri-ma-a. Nadu ba nda ningua haàtu tau mangita-ya i Miri jàka nda tuna nu na lurina.

Màla kai pangàda-nya nggiki hama mayilana i Yehu ba nahangga-nja da tau njala da ma-mbangatu la pa-ndubaku-ya! Jia ba tuna nu àmbi kudu eti wanyai hi nambota na monungu-mi.

Jia ba tuna, màtawa ka ta-pamalangungu lai Ala, maa ba tangala-dunyaka welingu lai Nyuna na hau pa-hanganji na manda nggàduku. Màtawa ka ta-pamalangu-nya dàngu ka talumu-nya i Ala, hi tatembi-ya ba dàngu mangàdatu-ndanya, tundunya na paora wiki-mana duna.

Màtawa kai kataku-ya na ràmbahu welingu lai Ala ba hama tuna pa-wàhikungu mapawelingu la haàtu amaya. Nadu ka ningu nu haàtu ana na panda payalu-na paraïna amana?

Nadu na Alanda ba beri epi ma-pakàrangu-ya.

Da ina amanda la pinu tana ningu dirana na rehi ba da-payalu-nda pa-namatu-nya na mahàmu la kanandingu-da. Tàka i Ala duna hi na-payalu-nda ndumana na pahàmu wànda nyuta wikima, ka peku matua karia-ndanya Nyuna.

Nadu bai pabera dànya na njala, ndedi imbeni hanggangu-a hi lundu luhu wai riami.