Popular Bible Verses from KOLOTE 3

Share

yeenggwa-yeenggwa eekwi, eeko logonet, at ambi nen at ambi omaluk mari eerogo pegak eeko logonip o. Kit kinore ambi nen maluk eeppinagage kenok, kinowe endagembogut nen kit kinomaluk mondok lek eerogo pereegerak nogo ndak-ndak, kit togop aret at maluk eeppinagage nogo, mari eerogo mbo pogo logonip o.

Kit kanggo mbareegup, Ala nen kineenik agago mippinagage nagagirik, Keritut kinom iniki me kumaappinagago wonogwe me, kiniki nggween paga mendek mban panggombunuk logogup o. Ata, kiniki agi mendek paga mban panggombunuk logonip o.

Yi mendek ndi mendek abok aret eerit nogo logonet, ”Yi aakumi inake eekwi lek o. Yi ninowe endagembogut ake aret eeko ogoorik o,” mba'nuk, kiniki aganggen kerok togon inake eerit nogo logonip.

Togop me, at Ala nen kinabuwa mbake logonet, at apuri maluk eeka'lek alik mbeenak logobagip nduk, miikkinake nagagirik, leenogo pinagareegerak me, kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe

Keritut ari nagagerak wone abok aret kiniki me mondok yagabit eerogo waganggo logonip o. Waganggo logomonggotik, kiniki warak a'nuk, Ala wone mamunirogwe, kiniki eyak wat-wat yogwe, ndi, Ala keyage wake logonet, ”Nogoba wa,” yinuk, Ndawut nen ndawi pereegerak inom, ki wone ndawi inom, ugun wee'lek ndawi inom, abok aret warit nogo logonip o. Keritut kinabuwa nen kinake eeke menggerak me, kinogoba Ala, ”Wa,” yinuk, keyage wako logonet, kinoone yogo monggotak inom, eerit nogo monggotak inom, abok aret ninowe endage tiyak yuwak nduk mban eerit nogo logonip o.

Yokkiragarak ti abok aret eerit nogo logonet, kit kiniki ambit lambunik ale'nggen nggwok logorak alom nogo ti, niniki-kiniki kunik aganakwi nogo aret me, ti inom aret eeko logonip o.

Keritut eenik agago mippege logonet, kinom kineenik agago mippinagareegerak me, Keritut Ala eenggi abe'nggan paga kwi'ndak minggim mbogut paga eko menggaarak wone nogo mban kiniki panggombunuk, logonip o.

Keritut kinom kunik kineebe ambit a'nuk kiniki mondok ale'nggen logobagip nduk, Ala nen kinayonggo pinagareegerak me, nit op eekwi niinok, Keritut nen niniki ugun tayenak logowak nduk, ale'nggen eeppinanege menggerak nogo, kit ndak-ndak, yi mendek ndi mendek eeriyak kiniki koonggwi kiigak, op eeriyak kenok ale'nggen eekkinake, ndi, maluk eeriyak negen kenok, kiniki aaninggin eekkinake, eeke logogin o. At togop eekkinake menggerak me, Ala mondok, ”Wa,” yogo logonip.

Togop me, noreewi o. Kit Ala wone taganogo punuk, kumi ugun wurinabit nogwe, kiniki kumi paga mban luunik nugwi, kiniki nengge nogo mugurok nogwe, maluk eeriyak mban kinikilom mbakwi, Ala obaane'me yi mendek ndi mendek koloorak uugwe mba'nuk, tiyappugwi, eerit nogwe kiinok, Ala anini kinoba pinagarak me, ti eeriyak eekkinake nogo abok aret mondok warogo wuppogo logonip o.

Kit kanggo mbareegup, Ala nen kineenik agago mippinagage nagagirik, Keritut kinom iniki me kumaappinagago wonogwe me, kiniki nggween paga mendek mban panggombunuk logogup o. Ata, kiniki agi mendek paga mban panggombunuk logonip o.

yogondak, nanini-kanini yogwe, neebi-keebi yogwe, maluk eeppiyoorak koonggwi, miyuk-meya eerogo piigwe, wone yuurak lek mendek kagak yorogwe, eekwi nogo ti, nonggop nduk eeko ogotik? Ti mendek inom abok aret mbo pinip o.

Nit niniki ngget ogobakkigika Ala nogo nen, at eeke menggerak kineenu arubagip nduk, at iniki pogom kit kiniki ngget ogobakkigirogo pinagage kagak, kit kinobaabut maan mendek paga maluk eeko nogogutak nogo, nggonenogo mbo punuk, kinobaabut ngget mendek eekkologogutak me, kit-kit aret pulit pugunggwi ti mage o.

Ndi, kit aap yi wae. Kinakuwi inabuwa mbako logonet, kinoone yanggorogon yorogo logonip o.

Kit wologwe-komologwe yi wae. Kit kinowe endagembogut inikilom kinombaruwak nduk, kinagalomini-kinogobamini inoone liirogon konembunuk, eeko logonip o.

Kit kumi yi wae. Kit Ala apuri aret me, kinogonggelomini inabu'me logonet, inoone konenggo logonip o.