Popular Bible Verses from Mavingu 16

Share

Tumba PFHUMU Nungungulu ga mithumo yago yatshavbo, gasi makungo yago ma na mana gudugelela.

Khu monyoni gwaye muthu a ngu pimisa umo a vbwetago guya umo, aholu PFHUMU Nungungulu khuye a mu yeyedzago ndzila.

Magana nya gutsakise ma ngu fanana ni gipapu nya wulombe, gi lombelago kanani gi bwelo khavbo gi tiyisa marambo.

Muthu khuye a lugago makungo khu monyoni gwaye, aholu phindrulo nya lisine ya guta khu ga PFHUMU Nungungulu.

Uye a hwelago gu goroga, a ngu vbindra ndrena, ni muthu a kodzago gutimisela a guvbindra uye a phangago lidhoropa.

Matshandza ma gu rana libango, ni gu dzi khusedza gwa gu thangela lufu.

Satshavbo iso muthu a girago mapimoni gwaye, a gu si wona na si agide, aholu PFHUMU Nungungulu a gu khedza mipimiso yaye.

Uye a yingisago gululekwa, a na dugelela, ni uye a tumbago PFHUMU Nungungulu, a na mana makategwa.

I tshukwana gu mana sidugwana khu ndzila nya gululame, guvbindra gu mana nya singi, khu wudambane.

Yomo ndzila muthu a yi wonago gukhwatshi yi lulamide, aholu khu guhegisa ya gu mu yisa lufuni.

Muthu nya guvivbedwe khu monyo, a gu wusa mayunga; ni muthu nya milembo a gu hambanisa wupari.