Popular Bible Verses from Mavingu 17

Share

Iyo yi gu pari yi ngu gu gola gikhati gyatshavbo, nuri gikhatini nya wuvi, ya gu khala ndriyago.

Gutenga nya monyo rendre wu vbanyisago, aholu hefemulo wu khuvekidego, gu bangisa marambo.

Uye a sihago gighoho a gu vbweta lihaladzo, gasi uye a gi hivelago a gu hambanisa wupari.

Muthu nya gugengele kha ganeli nya muganele, ni muthu nya mapimo a gu dzi rudzisa.

Gipumbu gya gu degula higyo kape, gukhwatshi muthu nya guti, gya gu sega likana gukhwatshi muthu nya mapimo.

I tshukhwana gu hodza ligogo mugurulani, guvbindra gu hodza dzinyama nya gunone avbo gu tadego khu mayunga.

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Uye a emelago muthu nya gighohi, khuye gambe a konago muthu nya gululame; satshavbo si vivbide mahoni ga PFHUMU Nungungulu.