Popular Bible Verses from Mavingu 15

Share

Phindrulo nya gu dzi nogise, yi ngu vbodzisa likhulo, aholu magana nya gupaye, ma gu wusa likhulo.

Guthava PFHUMU Nungungulu gihevbudzo nya guti, gu dzi nogisa gu gomo wuzundzo.

Malito nya gutsakise, simbo nya womi, aholu ayo nya gukhunguvanyse, ma gu vbedza tshivba hefemulo.

Avbo wu gu mwalo wusingalagadzi, makungo ma gu bwelela hwane, aholu avbo gu guromo madhota nya mangi, makungo ma gu duga gwadi.

Monyo wu tengidego, wa gu mburisa khovbe, gasi wa gu bani wu vbisega, hefemulo wa gu vbela tshivba.

Maho ya PFHUMU Nungungulu momo malangani yatshavbo, a khedza va nya guvivbedwa khu monyo ni va nya gululama.

I tshukwana gu mana sidugwana nu gu ninga githawo PFHUMU Nungungulu, guvbindra gu mana thomba nya yingi, nuri ni sigaradzo.

Muthu nya gihafane a gu wusa mayunga, gasi uye nya gutimisele a gu avbula mayunga.

Muthu nya gululame a gu phela khu gu pimisa, khavbo a ningago phindrulo, aholu, khu kanani ga va nya guvivbedwa khu myonyo, gu duga mapongowongo nya gutale.