Popular Bible Verses from Dhewuteronome 7

Share

Khala nu gu dziti nya gukhuwe PFHUMU Nungungulu wago, Nungungulu nya gutumbege, a vegedzago gidzumeledzwano ni gu girela wuhindzi kala gitugulwana nya likhumi mazana (1.000), ga vale va mu golago ni gu landrisa milayo yaye

Kholu enu mu vathu va agisedwego PFHUMU Nungungulu wago. PFHUMU Nungungulu wago, a mi hathide gasi mu khala vathu vaye, vbakari nya mafumbu yatshavbo ma guromo mafuni.

Aholu PFHUMU Nungungulu a di gira esi khu gu mi gola, ni gu vbweta gu tadzisa gisambanyo a giridego ni vababe vanu, PFHUMU Nungungulu a mi dusideni khu libogo nya tshivba, a gu mi tshudzisa nyumbani nya wugumbi, mandzani ga Faro, mufumeli wa Egipito.

PFHUMU Nungungulu a mi gode, khandri a di mi hatha khu gu mi wona muri vangi guvbindra mambe mafumbu ya mafuni, kholu enu mu diri vadugwana ga mafumbu yatshavbo.

U na bani u kategide ngudzu guvbindra mayigo yatshavbo; kha gu na manega vbakari gwago mwama mwendro nyamayi nya gifule, ambari vbakari nya sifuyo sago.