Popular Bible Verses from Dhewuteronome 8

Share

Phela khu gu alakanya PFHUMU Nungungulu wago, kholu khuye a gu ningago tshivba gasi u dzi girela dzithomba; gasi gu tiyisa gidzumeledzwano gyaye, egi a tumbisidego khu gusambanya ga vababe vago, kha nga u si wonago muhuno.

Uye a di gu poyila a gu diga upwa ndzala, a gu hodzisa manaha, uwe u nga bani u si mati, ambari vababe vago va di si mati, gasi u kodze gu pima gukhuwe muthu kha vbanyi basi khu guhodza, aholu khu satshavbo iso si dugago khu kanani ga PFHUMU Nungungulu, isoso si ngu vbanyisa muthu.

U na alakanya ndzila yatshavbo eyi PFHUMU Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

Khu guralo, u nga ganeli khu monyoni gwago, khuwe: Dzithomba dzedzi dzatshavbo nyi dzi mane khu tshivba yangu ni thumo nya mandza yangu.

Dzi wonele, u nga divali PFHUMU Nungungulu wago, khu gumba landrisa milayo, sirumo ni sileletelo saye, esi nyi gu ningago muhuno

Khu guralo, khala nu gu dziti nya gukhuwe, kha nga muthu a lulekago gyanana gyaye, kharato nuye PFHUMU Nungungulu wago, a na gu luleka gasi gu gu laya.

Avbo u na manago satshavbo, u hodza u khura, u na bonga PFHUMU Nungungulu wago, kholu a gu ningidego litigo nya ladi.

Vegedza milayo ya PFHUMU Nungungulu wago, u kodze gu mu ninga githawo u gimbila khu dzindzila dzaye.

Khuye a nga gu ninga manaha mugiwulani u hodza ayo ma nga bani ma si tidwi khu vababe vanu; gasi gu gu tsayisa ni gu gu linga, gasi u kodze gu mu girela iso nya sadi.

gu nga giregi gu, hwane nya gu nu hodzide u khura, nu vbahide dzinyumba nya dzadi u vbanya umo; hwane nya gu bani mitshambi yago nya dzimombe ni dzinvuta na mi andride, gumogo ni parata ni ndralama na si andride khu gutala, ni simbe mu na gu bani na muri naso, monyo wago wu dzi khusedza khu matshandza, u divaledwa khu PFHUMU Nungungulu wago, a gu dusidego khu Tigoni ga Egipito, nyumbani nya wugumbi.

Kholu PFHUMU Nungungulu wago, a ngu gu bedza ga litigo nya ladi, litigo nya mitsongo nya mati, nya milambo ni sifefe nya guete, si dugago khu mikovani ni sigomoni; litigo li fumago tirigu ni mala; litigo nya miuvha, nya migonva, madimwa ni marova; litigo nya miolivha, nya mafura nya mangi ni wulombe; Litigo u na gu ya hodzago guhodza u khura nyamba keneledwa khu gilo; litigo li gu ni siwindri nya dzisimbi; musigomoni gwaye u na kemba u mana sugu.

Dzi garadzeni khu gu landrisa sirumo satshavbo nyi mi ningago muhuno, gasi mu kodza gu vbanya ni gu andra, mu bele ni gu dzega litigo lile PFHUMU Nungungulu a tumbisidego khu gusambanya ga vababe vanu.

Guambala gwago gima kha ga kuwuluga milini gwago, ambari gusimba ngondro wago ndrani nya liendro leli nya magumana myaga.

Khuye a nga gu phara khu libogo a gu gimbidzisa mugiwulani gile nya gikhongolo nya guthise, nya dzinyoga nya gutale khu wuhungu, nya dzihume ni gihala, nyambana mati; a gu dusede mati khu mugiwindrini