Popular Bible Verses from Dhewuteronome 6

Share

U na haladza PFHUMU Nungungulu wago, khu monyo wago watshavbo, ni hefemulo wago watshavbo, ni tshivba yago yatshavbo.

u na yi hevbudza ga sanana sago, u na ganela khiyo nu khade ndrangani gwago, na wu gu gimbila ndzilani, gikhati u lalago, ni gikhati u wugago.

Milayo yeyi nyi gu ningago muhuno, u na yi vegisa monyoni gwago

Upwa, Israyeli! PFHUMU Nungungulu wathu, khuye basi a gu Pfhumu.

Gambe u na yi hunga bogoni gwago gasi gu khala gialakanyiso vbakari nya maho yago.

U na yi lova mihasimotunu nya nyumba yago ni vbamalimbatunu gwago.

U na ninga githawo PFHUMU Nungungulu wago, u mu thumela, u sambanya khu lina laye.

Avbo PFHUMU Nungungulu wago, a na gu vbohisago ga litigo a tumbisidego khu gusambanya ga vababe vago, Abrahama, Isaki ni Jakobe, gukhuye a na gu ninga madhoropa nya yadi nya makhongolo, ayo uwe u ngamba ma vbaha khu mandza yago; ni dzinyumba dzi tadego khu satshavbo iso nya sadi, si ngamba hengeledzedwa khuwe, ni milambo nya mati yi ngamba podwa khuwe; ni marembwe nya miuvha ni miolivha ma ngamba yadwa khuwe; avbo u na gu hodzago u khura, dzi wonele gu tshukha u divala PFHUMU Nungungulu, a gu dusidego khu tigoni ga Egipito, nyumbani nya wugumbi.

Esi khu sirumo ni milayo ni sileletelo esi PFHUMU Nungungulu wago, a nyi rumidego gu mi hevbudza, gasi muya si landrisa ga litigo mu na li dzegago gasi li khala thomba yanu. Khu guralo, u fanede gu thava PFHUMU Nungungulu wago, u vegedza milayo yaye yatshavbo ni sirumo nyi gu leletelago, uwe gumogo ni sanana sago ni situgulwana sago, matshigu yatshavbo nya guvbanye gwago; gasi matshigu yago ma engedzedwa.

U na thuma ugo nya gwadi gu lulamidego mahoni ga PFHUMU Nungungulu, gasi si gu dugele gwadi, u bela u fumela litigo nya ladi eli PFHUMU Nungungulu, khu gusambanya a tumbisidego gu ninga ga vababe vago

kholu PFHUMU Nungungulu wago, a guromo vbakari gwanu, Nungungulu nya wufu, gasi likhulo laye li si khondri li gu fuvisa mafuni.

U nga landreleli vambe vanungungulu avo va guromo vbakari nya mayigo ma gu randredego

U nga lingi PFHUMU Nungungulu wago, kha nga idzo u nga mu lingago khidzo Masaha.