Popular Bible Verses from Dhewuteronome 5

Share

Rungudza babe ni mayi wago, kha nga idzo a gu rumidego khidzo PFHUMU Nungungulu wago, gasi matshigu yago ma engedzedwa u kodze guya khala gwadi ga litigo u ningwago khu PFHUMU Nungungulu wago.

Mu na gimbilani khu ndzila yatshavbo mu rumwago khu PFHUMU Nungungulu wanu, gasi mu kodza guvbanya ni sigiro sanu satshvbo si mi dugela gwadi. Mwa gu gira isoso, mu na katega mu vbanya matshigu nya gutale ga litigo mu na guya li fumelago.

u nga gi khidzimeli ambari gu gi khozela; kholu Eni PFHUMU Nungungulu wago, nyi Nungungulu nya wufu, nyi tsayisago sanana khu kotani nya sighoho sa vavelegi kala gitugulwana nya wuraru nigyo nya wu na ga vale va nyi vengago; nyi girela wuhindzi kala likhumi mazana situgulwana sa vale va nyi golago ni gu sayisa milayo yangu.

U nga dzi gireli gifananiso nya guvatwe, ambari nya gufanane ni gimwegyo nya esi si guromo vbatshani ndzadzini, ambari vbavbatshi mafuni mwendro matini vbavbatshi nya mafu

Khu na manega ni vambe vanungungulu mbeli gwangu.

U nga hagani khu lina la PFHUMU Nungungulu wago, umo nyamba vbwetega, kholu Pfhumu kha na nga diga gu tsayisa wule a haganago khu lina laye.

A diri gwadi ngudzu naripwani va gu mana monyo yoyu, nya gu va nyi ninga githawo ni gu sayisa gikhati gyatshavbo milayo yangu yatshavbo, gasi va katega avo ni sanana sawe kala gupindruga.

U na vegisa litshigu nya Sabhadho, u li agisa, kha nga idzo u leletedwego khidzo khu PFHUMU Nungungulu wago.

U nga naveli mwangadzi wa muakelane wago, ambari gu navela nyumba ya muthu kwanu, ambari lithembwe laye, ambari githumi gyaye nya mwama mwendro nya nyamayi, ambari mombe yaye, ambari buru yaye, ambari ni gevbini gilo gi mu lumbago.

U nga bhayi.

U nga giri wufakazi nya malipha u lumbedza muthu kwanu.

U nga songi.

U nga bi.

Dundruga gukhuwe uwe nuwe u diri khumbi tigoni ga Egipito, aholu PFHUMU Nungungulu wago, a gu duside khu mule khu gyandza nya tshivba ni libogo nya gulaphe; khigyo givangelo gi girago PFHUMU Nungungulu wago, a gu ninga nayo nya guvegise gu vegisa litshigu nya Sabhadho.

U na thuma livbandre na limwedo matshigu u gira mithumo yago yatshavbo. Aholu litshigu nya livbandre na mavili, Sabhadho ya PFHUMU Nungungulu wago; khu kotani nya kharato, khu na nga thuma gilo, uwe, ambari gyanana gyago nya gikhwathana, negi nya gyagadzyana, ambari githumi gyago nya mwama, nigyo nya nyamayi, ambari mombe ni buru yago, ambari ni gevbi girengo, mwendro muluveli a vbanyago vbakari gwago, gasi githumi gyago nya mwama nigyo nya nyamayi, si mane gu hefemula niso kha nga uwe.

Eni kheni PFHUMU Nungungulu wago, a gu dusidego khu tigoni ga Egipito, nyumbani nya wugumbi.