Popular Bible Verses from O KELUARAN 9

Share

Mä ngini Tinï mal̄aika niwango, hupaya Ngohi yakunu tohidumutu Ahi kuaha ngonaika, hiädono Ahi romanga ihi öriki yödogilianga o dunia yamode-modekika.

Ma Jou wïtemo o Musaika, ”Noiki nïhimanga ma koano, deʼ na hetongo unangika ma Jou o Ibrani manyawa manga Jou Madutu, wotemo: ’Nä higumal̄a Ahi umati yoiki hupaya önanga yakunu ihihuba ihi horomati ngohino.

Hokanako Ngohi tomau tinï hukumu ngona deʼ ani kawaha de o panyake, marai ngini nibinahaka mata-mata kamamoi.

ngohi aha tödotagao o panyake obobaku homodo-modongo ani aiwani ogiginika o kuda, o keledai, o onta, o hapi, o duba deʼ ani kabingi. Ngohi aha tohiteroua o Israel manyawa manga aiwani ogigini de o Mesir manyawa manga aiwani ogigini. O Israel manyawa manga aiwani ogigini kamoiö ma aha koihonengua.

Yarehino o ngoru-ngorumino, maöraha kaimatero, Ngohi aha tinï dotagao o awana es homodo-modongo, komaiwahi idadi o Mesir mabereraka hokä kahuruonino hiadono öraha nënanga. Nahipareta hupaya mata-mata o aiwani ogigini deʼ hagala tongona madutu naga maporetoka yao o ngï irïrïdika. Mata-mata o nyawa deʼ o aiwani ogigini naga maporetoka deʼ yakunua imagogono aha yohonenge yabänga o awana o es.’ ”

Done o kafo gënanga aha yodogerewoto o Mesir matonaka yamode-modekika. O nyawaika deʼ o aiwanika o kafo gënanga aha yapuda o boro-boroho de idilongo imadadi o nabo de magomukoka.” Daha o Musa deʼ o Harun yol̄ë o kafo, deʼ iwï himanga ma koano. O Musa wohibarihi o kafo gënanga o gitawail̄e. O nyawaika deʼ o aiwaniika ipuda o boro-boroho de idilongo ima dadi o nabo de ma gomukoka.