Popular Bible Verses from O KELUARAN 8

Share

Yo mai-maihi ihi dailako yapake manga mamaihi de manga mantra la yodiaiö o gomoma, mä önanga yohasilua. Kiaka dika naga o gomoma, hiädono yomai-maihi gënanga yotemo ma koanoika, ”Nenanga ma Jou Madutu Ai manarama.” Mä ma koano gënanga watogowini ai haëke, deʼ hokä waheto-hetongoka ma Jou, ma koano gënanga woluku wahaduli o Musa deʼ o Harun manga demo.

Daha ma Jou wïtemo o Musaika, ”Noiki nïhimanga ma koano deʼ nohiädono unangika Ahi behehongo nënanga: ’Nahigumal̄a Ahi umati la ihihuba ihihoromati Ngohino.

Maöraha ma koano wamake o koro-koro gënanga i kokia honengoka, ünanga watogowini ai haëke. Deʼ hokä ma Jou waheto-hetongoka, ma koano woluku wahaduli o Musa deʼ o Harun manga demo.

Nako ngona noluku, o berera nënanga aha tohiomanga deʼ o koro-koro hokä o hukumanga.

Ma Jou wïtemo o Musaika, ”Nïhuloko o Harun wagohara o tonaka de ai diki-diki, done o Mesir maberera yamodeke ma kafo ingali imadadi o gomoma.”

Ma Jou wahuloko o guhuru iboa duru kahä ngöe ma koano ai kadatoika, deʼ ai popegawe manga tau-tauika. O Mesir maberera yamodeke duru o huha de o hangihara karana o guhuru-guhuru gënanga.