Popular Bible Verses from Kls 3

Share

Na n'wipfunana van'we ku van'wana, loko mun'we ali ni mhaka ya kusola kakukari ku mun'wana, drivalelanani van'we ku van'wana swanga hileswi Kriste an'widrivaleliki, na n'wine yentxisani xiswoswo.

Yanakanyani swa le tilweni, swinge swa laha misaveni.

Hinkwaswu leswi n'wiswiyentxaka, swiyentxani hi mbilu hinkwayu, swanga hi loko n'witirela Hosi, na kunge vhanu.

Leswi angavahlawuliwa va Xikwembu Nkulukumba, vaxwengi ni varandriwa hi leswo-ke vanani ni lilondro ni vunene, kutitrongohata ni kunabyala, ni kulehisa ka mbilu.

A ritu dra Kriste adrihanyi hi kuyandra ku n'wine, akutiveni hi hinkwaku, n'widondrisana ni kukwhavelana van'we ku van'wana hi kuyimbelela hi Mapsalma, ni tinsimu ta moya, n'wiyimbelelela Xikwembu Nkulukumba, n'witlangela hi mbilu hinkwayu. Hinkwaswu leswi n'wiswiyentxaka kumbe n'wiswihlayaka, aswiyentxiwe hi vito dra Hosi Yesu, ha yene, n'witlangela Xikwembu Nkulukumba Tatana.

A henhla ka hinkwaswu, vanani ni lirandru, xinga xitrimbo xa kuhetiseka.

Hikolahu-ke leswi n'wipfuxiwiki kun'we na Kriste swoswi, djulisisani mintxhumu leyi minga ya le tilweni, lomu Kriste atrhamiki kone axitrhan'wini xa lidrumu xineneni xa Xikwembu Nkulukumba.

A kufume timbilwini tenu a kurula ka Kriste, loku Xikwembu Nkulukumba an'wivitaneliki kone akuva n'wiyentxa miri min'we ntsena, vanani lava vatlangelaka.

Hileswo-ke, dlayani ku n'wine hinkwaku ku navela ka laha misaveni: a vumbuye, ni vuwoswi, ni vunfani, ni kunavela ka kubiha, ni kufelela loku kunga lixaka dra kugandrela swifaniso.

Hikusa n'wine n'wifile na Kriste a vutomi byenu byifihliwi kun'we na yene ku Xikwembu Nkulukumba.

kambe swoswi humani ku swone, ka kulebya, ni kuhlundruka, ni tihanyi, ni kulumbeta, ni swifingeto leswi humaka anon'wini wenu.

N'wingahembelaneni van'we ku van'wana, hikusa n'wine n'wihlivili a mhunu lweyi wa khale ni swiyentxo swake. Swoswi n'wine n'wiyambalile mhunu mumpswha, lweyi apfuxetiwaka kutiveni, hi xifaniso xa lweyi amuvumbiki

Vavanuna, randrani vasati venu n'winga vahlundrukeleni.

Vana, yingisetani vapswali venu ku hinkwaswu hikusa leswo swi trhavisa Hosi.

Vavasati, yingesetani vanuna venu swanga hi leswi swifanelaka ku lweyi apfumelaka ku Hosi.