Popular Bible Verses from KOLOSE 3

Share

Udi harus sabar do ngen de luyenne, sesamo melei apun amen ade de dendem te'adep tun luyen. Tuhan ngen senang atei mapun udi, jijai udi kulo harus lok mapun do ngen de luyenne.

Pekerba hal-hal de neak das, iso de neak dunio.

Kerjo jano bae de neriteakne ngen udi, lokba udi kemerjone ngen sepenuak atei, seolah-olah Tuhanba de udi nlayan, ngen iso cuma manusio.

Saudaro adeba umat Allah. Allah sayang ngen udi ngen miliak udi utuk jijai de Si temuan de khusus. Do'oba sebabne udi harus kemten belas kasihan, udi harus baik atei, rendeak atei, lemah lembut, ngen taen saro.

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu. Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

Ngen de peting, adeba: Udi harus sesamo mengasihi sebab kasih o ba de menea jijai do Saudaro-saudaro kutene sehinggo jijai sempurno.

Udi bi nidup igai besamo-samo Kristus. Sebab o harusba udi berusaho utuk dapet hal-hal de neak surgo, neak ipe Kristus meriteak besamo ngen Allah.

Lokba damoi sejahtera Kristus meriteak lem ateinu, kerno utuk do'oba udi bi nok lem do awok. Ngen bersyukurba.

Kerno'o, nuangba lem dirainu kute sesuaktau de duniawi, awei percabulan, hal-hal de coa baik, hawa nafsu, kelok de kidek (serakah, de serai ngen nyembeak patung).

Sebab udi bi matei, ngen idupnu coa keten besamo Kristus neak lem Allah.

Tapi uyo lokba udi muang hal-hal de kidek kunei diraine: jibeak igai mengiak, ngamuk, atau temuan asai jengik te'adep tun luyen. Jibeak debat bae keluea kunei bibianu fitneak atau kecek de kidek.

Jibeak mike do ngen de luyenne, sebab idup de an ngen kute sifetne bi udi nuang. Udi uyo bi nelei idup de blau. Udi adeba manusio blau, de gidong nea jijai blau terus menerus ngen Penciptane, adeba Allah, temurut betuk-Ne suang. Maksudne adeba supayo udi kemnal Allah ngen sempurno.

Saudaro-saudaro de jijai maten! Sayangba ngen nganyannu. Jibeak kasar te'adep tobo'o.

Hoi anok-anok! Taatba ngen tun tuainu lem kute hal, kerno do'oba de semnang atei Allah.

Saudaro-saudaro de jijai ngenyan! Taatba ngen matennu, sebab awei'oba seharusne plepnu sebagai tun Kristen.