Popular Bible Verses from KOLOSE 2

Share

Udi bi temimo Kristus Yesus, Tuhan ite. Kerno'o lokba idupnu tep neak lem Si. Lokba udi idup neak lem Si ngen tegok neak das Si. Lokba udi tambeak pecayo ngen Kristus, temurut jano de sudo najea ngen ko. Ngen lokba ateinu penuak ngen ucapan mokasiak.

Lokba udi teatei, jibeak sapei ade de mbujuk udi ngen falsafah-falsafah manusio de coa beguno, cuma menea udi jijai sesat. Falsafah-falsafah o iso kunei Kristus, tapi kunei pendapet manusio bae ngen kunei roh-roh penguaso dunio.

Bel'o udi bi matei seca'o rohani kerno bi beduso, ngen kerno udi coa senunat seca'o laher. Tapi uyo Allah midup udi besamo-samo Kristus. Allah bi mapun kute duso te, ngen mbuye su'et utang te'adep ite, de macam ite ngen syarat-syarat de saro. Ngen semalib su'et o moi kieu salib, Allah mapus kute dakwaan te'adep ite.

Sebab kute kepribadian Allah ade lem Kristus, adeba lem kemanusiaan-Ne. Kerno jijai do ngen Kristus, udi kulo nelei idup sepenuakne. Sebab Kristus adeba pemipin das kute roh de bekuaso ngen de meriteak.

Kerno o, jibeak munyau tun semaleak udi tetang kembuk ngen menem atau tetang bilai rayo, bulen blau atau kulo bilai Sabat. Kutene o cuma bayangan bae kunei hal-hal de bakea teko, tapi nyato kunei hal-hal o adeba Kristus!