Popular Bible Verses from KOLOSE 1

Share

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

Sebab liwet Siba Allah menciptakan kute sesuaktau neak surgo ngen de neak bumai, kute sesuaktau de keten ngen de coa keten, termasuk kulo kute roh de bekuaso ngen de mriteak. Kute alam yo diciptakan liwet Kristus ngen utuk Kristus.

Ayok kute sesuaktau ade, Kristus bi lebiak dute ade. Ngen kerno Siba kulo mako kute sesuaktau ade neak penanne.

Kristus adeba gambar de nyato kunei dirai Allah de coa keten; Kristus adeba anok tuai, Siba de lebiak utamo lem kute sesuaktau.

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah. Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.