Popular Bible Verses from Kem Udél Hlalak Tehe Selumun 16

Share

Hogotem ke Dwata yó kem nmoem ne wen gónón e kól yó kem atulem.

Yóm tau, du fen matul hemdem mò du yóm kun kmò klan, okóm Dwata fen malak du bè yóm kmoen du.

Yó kem udél hyu tey hyu klówóhem du, hol lómón kegnómem du lómón ke mkeni tneb.

Lem hendem tau gónón lemwót yó kem atul, okóm Dwata yóm bemlay du kegbek hembaling du.

Mom hyu he yóm tau là mahilen lembut senta yóm tau hulung mit sfatay ne hyu he yóm tau hulung mafas nawa senta yóm tau mled benwu bong.

Yó nefet yóm tau hegmón duhen yóm keglà ne senged se yóm tau heklabak.

Ofo tau hemdem du ke hono tedeng yóm kun kmò, okóm Dwata hemdeng du yóm nô lem but blututen.

Yóm tau kenmónen yóm udél Dwata, tey hyu klowilen ne yóm tau smalig béléen wen kligalen.

Mom hyu he yóm tau udì gutahen ne tedeng bè Dwata senta yóm tau alì bong gutahen mlan bè là ktedengen.

Wen se atul lómón tô tedeng bè kehedem tau du, okóm yó sónen hatay.

Yóm tau seblékê kestulónen són moen mit sbólów ne yóm tau lemnek ksumóngen senklahen yó kem tau swè.