Popular Bible Verses from Kem Udél Hlalak Tehe Selumun 15

Share

Hebóhen kebut tau yóm balà ganag, okóm yóm udél des mom hebuten tau.

Lemwót bè yóm klikò tau ke Dwata gónón megtolok bè yóm khulung hedem ne là kô guta tau du yóm kegdóyón ke là nan na gna heglaan du knóen.

Yóm udél hemyu nawa tendo lenowilen tau, okóm yóm udél wen keseblékê nô du, henblaten nawa tau.

Là kóen baling yóm natul ke laen dù tau hemyu matul du, okóm ke dê tau semsatul du baling hyu.

Gfan ta se yóm kligalen yóm tau lingas nawahen, okóm yóm tau gbeng lemen dilô se kebang nawahen.

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

Mom hyu he yóm tau ke laen hol gónón ma ke wen klikoen ke Dwata, senta yóm tau alì bong kendengenen mit du glayam.

Yóm tau sunget són moen mit sbólów bè kem dumu tau, okóm yóm tau là mahilen lembut fen gel senfyuhen yó kem tau sbólów.

Yóm tau tedeng kmoen nan gel hendem yóm mò kbalaen kem dumun, okóm yóm tau gel mò sidek tódô faen lemgas yó kem udél sidek.