Popular Bible Verses from Kem Udél Hlalak Tehe Selumun 17

Share

Yóm tau swè, són mò le sbong nawa ne hol lómón kestóbóng le ke wen hlayam sut bélê le lómón ke sesotu sut le.

Yóm kligal nawa tau henyuhen klówóhen, okóm yóm keblat nawa tau mit du lunog.

Yóm tau tódô hnifóten yóm gemsalà béléen hnebelen yóm kesbong nawa, okóm yóm tau són moen bud mtóng du yóm gemsalà béléen senkóhen yóm keswè.

Yóm tau temngón hulung mafas kudélen ne yóm tau là mahilen lembut wen khulungen temnef.

Ke tódô yem yóm tau book sana kmon le du tau hulung hedem ne ke là mudélen tódô mon le hulung temnef.

Mom hyu he mken yóm ken deng kefel ke mung du yóm kenek nawa senta yóm mung bè yóm mò ken bong wen sbólów du.

Yóm kbut yóm kesbólów hol lómón ke gónón msut yóm busung él, yó gónóm mon eles nseng anì là lembéten.

Yóm tau bnoluyen tedeng yóm sidek ne yóm tau hensalaen yóm tau tedeng kmoen tódô senged yóm tey keklit Dwata kul.