Popular Bible Verses from 1 Korintus 14

Share

Lala mpenomba hangangaa nipopatengkaꞌ ngkoromiꞌ, hintotoꞌ hante peleihana Pueꞌ Ala. Hawaꞌi nolei Pueꞌ ane uwaꞌhi toaꞌ to metuli. Tiꞌomo atura to ropetuntui i lali jumaꞌa-jumaꞌa i imbo-imbolu.

Mewaliꞌ, to hangangaa topohimpodulu, iomo mampokarimaki hangko awanta, hei hangangaa tokodokoꞌi mpololeke woꞌo pahua komapande ka Inohaꞌ Mangkolehi. Angkana komapande to modumbuꞌ mpololeke iomo komapande mampowute lolita to ka Pueꞌ Ala.

Angkana toaꞌ to mampowute lolita to ka Pueꞌ Ala, lolitara mampokaroho lalina hangko awara, mampoturuꞌhi, hei mampododoli lalira.

Toaꞌ to mololitahi i lali wiharo to handoaꞌi nibahaꞌ to mepohele, mampokaroholuhi lalira hadoduora, angkana toaꞌ to mampowute lolita to ka Pueꞌ Ala, mampokaroho lalira lekiꞌ-lekiꞌna toaꞌ i lali jumaꞌa.

Hatoꞌo woꞌo ingkei halali-halali: alaꞌ koꞌikodokoꞌinakei pahua komapande ka Inohaꞌ Mangkolehi, mewali hangangaa iperapiꞌkei to modumbuꞌ mpololeke iomo komapande to mampokaroho lalira lekiꞌ-lekiꞌna toaꞌ i lali jumaꞌa.