Popular Bible Verses from 1 Korintus 15

Share

Mewaliꞌ halali-halali to kupokarima, inioꞌ bata-bata lalimi. Hangangaa ipokarohokei pepoꞌohimi. Hangangaa nipopatengkaꞌ nturusi jamane Pueꞌ, alaꞌ ibahaꞌkei hapo to ijamakei i Pueꞌ hingkiꞌ modumbuꞌ.

Angkana nopohintemoki Pueꞌ Ala ka dosa hei komahia alaꞌ pohintuwuꞌta hante Pueꞌta Yesu Kerisitu. Topokodeꞌ Pueꞌ Ala!

Inioꞌkei nopokonawuꞌ toaꞌ to mantiꞌi hatoꞌo! Ane mampoꞌawakei toaꞌ to kodake waliara, hingkiꞌ tewolihi woꞌo waliami mewali kodake.

Angkana alaꞌ kopopuhiꞌna lalina Pueꞌ Ala hei alaꞌ pesulungiNa pe aku, iomo horiana mewaliꞌa suroNa wute hinewowoꞌena. Hei modumbuꞌ mpololeke kopopuhiꞌne laliNa hei pesulungiNa pe aku, alaꞌ mepongka ikoNoꞌuwiꞌku mewali suroNa, komadorina pajamangku i Pueꞌ meloliu ka lekiꞌ-lekiꞌna surona Pueꞌ Yesu to ntaniꞌna. Ane ka rohongku hadoduongku, hawaꞌi kubiaꞌ mampopatengkaꞌ jama tiꞌo, angkana alaꞌ kopopuhiꞌna lalina Pueꞌ Ala hei alaꞌ pesulungiNa pe aku, iomo horiana kubiaꞌ.

“O komahia, i imboꞌi kuasaꞌma? O komahia, i imboꞌi komarohoma mepokolalo?” Kuasaꞌ komahia iomo dosa, hei to mampotongawa dosa iomo aturana Pueꞌ Ala.

Mewaliꞌ, hingkeꞌna ibahaꞌkei, kupowutekikei poturuꞌ to tewuni hampiha, angkana hinewowoꞌena nopokonontokiki Pueꞌ Ala, hawaꞌki hingkiꞌ mahi lekiꞌ wute ikohupaꞌna huliꞌ Pueꞌ Yesu, angkana ingkiꞌ lekiꞌ-lekiꞌta hingkiꞌ niwolihi, moromiꞌ to tuwuꞌ tene, moromiꞌ to mahimo. Ane nitowuiꞌi torompeꞌ to kotutuana, lekiꞌ-lekiꞌna tiꞌo hingkiꞌ mewali i lali hampiro matalu. Alaꞌ ane nitowuiꞌ torompeꞌ tiꞌo, Pueꞌ Ala hingkiꞌ mampotuwuꞌ huliꞌ toaꞌ to mahi, hei hingkiꞌ Nopaꞌanihi wota to wolaꞌ to hamboaꞌmo hingkiꞌ mahi. Hei ingkiꞌ to tuwuꞌ tene, hingkiꞌ niwolihiki woꞌo

Komahia mokuasaꞌi manusiaꞌ moliu haduo toaꞌ, iomo hi Adama, iomo horiana lekiꞌ-lekiꞌna toaꞌ hangangaa mahi. Hatoꞌo woꞌo, moliu haduo toaꞌ, iomo hi Yesu, iomo horiana toaꞌ to mahi hingkiꞌ nipotuwuꞌhi huliꞌ. Lekiꞌ-lekiꞌna muleꞌna hi Adama hangangaa mahi. Angkana lekiꞌ-lekiꞌna toaꞌ to mohaꞌanu hante Kerisitu hingkiꞌ pahuahi kotuwuꞌ to wolaꞌ to hawaꞌi mokoꞌukoa.

alaꞌ wotanta hieꞌe wota to mahi hei morere. Iomo horiana wotanta hangangaa niwolihi mewali wota to hamboaꞌmo hingkiꞌ mahi.

Alaꞌ Kerisitu hangangaa meparenta hibali datu wute Pueꞌ Ala mampopengkoruꞌ lekiꞌ-lekiꞌna poniꞌna pe Io, hei poniꞌna to koꞌukoana to hingkiꞌ Nonani, iomo komahia.