Popular Bible Verses from 1 Korintus 13

Share

Hapo palaihane to nitiꞌi rima? Ane mampokarimaki hangko awanta, hangangaa: sabaraꞌki hei moromiꞌ lalinte, hawaꞌi pobahaꞌ mohiriꞌ, hawaꞌki mampokokodeꞌ, hawaꞌki mamperenaki wotanta, hawaꞌki mowali hapo to molungkaꞌi adaꞌ, hawaꞌki moparuku peleihanta hadoduonta pe toaꞌ ntaniꞌna, hawaꞌki hohiꞌ bukota, hei hawaꞌki momepoꞌilali.

mojagai konaꞌna toaꞌ, mepoꞌohiki nturusi, mohinaruki nturusi, hei sabaraꞌki nturusi kehapoꞌi ba hapolu to morumpaki.

Ane marimakei pe hangko awanta, palaihana: hawaꞌi tolei walia to kodake, angkana to tolei, walia to moromiꞌ

Mewaliꞌ hinewowoꞌena, uwaꞌ tolu langkaꞌ to hangangaa towali: mepoꞌohiki pe Pueꞌ Ala, mohinaruki i dandina Pueꞌ Ala, hei marimaki pe hangko awanta. Angkana ka tolu langkaꞌ tiꞌo, to meliu mpololeke komoromiꞌne iomo rima.

Rima hawaꞌi hingkiꞌ mokoꞌukoa. Angkana ane uwaꞌ to mapande mampowute lolitana Pueꞌ Ala hingkiꞌ uwaꞌ tempone komapande tiꞌo moholi. Ane uwaꞌki to mapande mololita i lali wiharo to handoaꞌi nibahaꞌ to mepohele, hingkiꞌ uwaꞌ tempone komapande tiꞌo hingkiꞌ uko. Ane pahuaki komapande ka Pueꞌ Ala hingkeꞌna pobahaꞌki hapo to handoaꞌi robahaꞌ awanta, hampiha tempo komapande tiꞌo hamboaꞌmo niparalui.

Kehapoꞌi kubiaꞌ mololita i lali wiharo malaꞌeka ba wiharo toaꞌ to hawaꞌi kubahaꞌ, angkana ane hawaꞌi uwaꞌ komarimangku, hawaꞌi modumbuꞌ kotuwuꞌka. Lekiꞌ-lekiꞌna komapande tiꞌo hibalilu monina goꞌ ba tanengko to melili. Hawaꞌi modumbuꞌ.

Kehapoꞌa pahua komapande mampowute lolita to ka Pueꞌ Ala, hei kubahaꞌ lekiꞌ-lekiꞌne to tewuni, hei maroho pepoꞌohingka horiana kubiaꞌ molimba biri, angkana ane hawaꞌi uwaꞌ komarimangku, hawaꞌi modumbuꞌ kotuwuꞌka.

Ane lekiꞌ-lekiꞌna lumangku kudolaꞌ-dolaꞌkihi toaꞌ to merima-rima, hei kupewei woꞌo wotangka hingkeꞌna nihunuꞌi, angkana ane hawaꞌi uwaꞌ komarimangka, hawaꞌi modumbuꞌ kotuwuꞌka.

Rapaꞌna, tempoku tene oꞌanaꞌ, pololitangku hibali tene oꞌanaꞌ; hatoꞌo woꞌo pekiringku hante waliangku. Angkana hinewowoꞌena, monindimoꞌa; tiꞌo horiana kupohentemo hapo to kuwali hampiha.