Popular Bible Verses from 1 Korintus 12

Share

Ingkiꞌ haduo-haduo nipaꞌaniki Komapande ka Inohaꞌ Mangkolehi, hingkeꞌna topakeꞌ mosulungi halali hampepoꞌohinta.

Ingkiꞌ lekiꞌta iomo wotana Kerisitu hei haduo-haduoki iomo hadolaꞌ ka wotaNa tiꞌo.

Ane uwaꞌ hadolaꞌ wota to molalo, lekiꞌ-lekiꞌna wota hingkiꞌ mohoriki. Ane uwaꞌ hadolaꞌ wota to nipokodeꞌ, lekiꞌ-lekiꞌna wota hingkiꞌ nipokodeꞌ.

I haduo toaꞌ, Inohaꞌ Mangkolehi mepaꞌani komapande hingkeꞌna nobiaꞌ mampowute lolita to moromiꞌ hante to masipatoꞌ mpololeke. I to haduona, Io mempaꞌani Komapande mampokononto noniuꞌ Pueꞌ Ala. I toaꞌ ntaniꞌna, Nopaꞌani pepoꞌohi to maroho. Hei i to haduona woꞌo, Inohaꞌ Mangkolehi mepaꞌani kuasaꞌ mepokoꞌoriꞌ. I to haduona, Inohaꞌ Mangkolehi mepaꞌani kuasaꞌ hingkeꞌna nobiaꞌ mowali tandaꞌ kuasaꞌ; hei i to haduona, Nopaꞌani komapande mampowute lolita to ka Pueꞌ Ala. I to haduona woꞌo, Nopaꞌani Komapande mampopoꞌoriꞌori hapo to ka Inohaꞌ Mangkolehi hante hapo to handoꞌio ka Inohaꞌ Mangkolehi. I toaꞌ ntaniꞌna, Nopaꞌani komapande mololita i lali wiharo to hawaꞌi nibahaꞌ to mepohele. Hei i to haduona woꞌo, Nopaꞌani Komapande molimba wiharo tiꞌo hingkeꞌna robahaꞌ toaꞌ ntaniꞌna hapo palaihane.

Lekiꞌ-lekiꞌna tiꞌo mehupaꞌ ka Inohaꞌ Mangkolehi to haduolu. Iomo to mampaꞌaniki kopebahaꞌ to moꞌoriꞌ-ori motuntuni peleihaNa hadoduona.

Nowali hatoꞌo hingkeꞌna hawaꞌi mewali posisalaꞌ i wotanta, lekiꞌ-lekiꞌna matengkaꞌ moromiꞌ. Iomo horiana lekiꞌ-lekiꞌna dolaꞌna wotanta hangangaa momerewahi.

Woriꞌ langkaꞌ kopebahaꞌ to nopaꞌanikiki Inohaꞌ Mangkolehi, angkana Io haduolu. Woriꞌ langkaꞌ jama to tojama pe Pueꞌ, angkana Pueꞌ haduolu. Woriꞌ langkaꞌ lala to nopake Pueꞌ Ala mampotongawa kuasaꞌNa i lali kotuwuꞌta, angkana Pueꞌ Ala haduolu. Iomo to mampaꞌaniki kuasaꞌ mampopatengkaꞌ jamaNa.

Hei Pueꞌ Ala mampaꞌani toaꞌ i lali jumaꞌa jamana haduo hei haduo: kaꞌisaꞌ, uwaꞌhi to mewali suroNa, kadua, uwaꞌhi to mewali to pampowute lolita ka Pueꞌ Ala, katoluna, uwaꞌhi to mepoturuꞌ. Hei uwaꞌhi woꞌo to Nopaꞌani kuasaꞌ mowali tandaꞌ kuasaꞌ. Uwaꞌhi to Nopaꞌani kuasaꞌ mepokoꞌoriꞌ, uwaꞌhi to pobahaꞌ hohumbo lala mosulungi hangko awara, uwaꞌhi to mewali tadulako, uwaꞌ to Nopaꞌani komapande mololita i lali wiharo to handoaꞌi nibahaꞌ to mepohele.

I wotanta uwaꞌ kapuꞌ, uwaꞌ korawe, hei woriꞌ langkaꞌ dolaꞌna to ntaniꞌna.

Kotuꞌuana, dolaꞌna wotanta to torekeꞌ moledeꞌ, tiꞌo wae to modumbuꞌ mpololeke.

Ane rapaꞌna lekiꞌ-lekiꞌna dolaꞌna wotanta mewali lekiꞌna mata, hohumbo lalane hingkeꞌna wotanta pohori? Ane lekiꞌ-lekiꞌna mewali tolina, hohumbo lalane hingkeꞌna wotanta hohumbo meroroki? Iomo horiana Pueꞌ Ala mowali hingkeꞌna wotanta uwaꞌ langkaꞌ-langkaꞌne dolaꞌna. Molangkaꞌ-langkaꞌ Noporia i wotanta motuntuni peleihaNa i peꞌohaꞌana to masipatoꞌ. Ane rapaꞌna Nopohalangkaꞌlu lekiꞌ-lekiꞌna dolaꞌna wotanta, imboꞌina to wadi nitiꞌi wota?