Popular Bible Verses from TINGULI 6

Share

Tolia̒ngi mao̒ to EEYA Allahu Taa̒ala limongoli wolo lealeaatu lo hilaamu: Pobilohe mao̒ uito todelomo dudelo lo tutumuli mongoli wau todelomo huhutu limongoli.

Poa̒ajalia mao̒ ode mongo walai̒ mongoli. Mamusi bisalaawa mao̒ limongoli todelomo bele wau to bulemengo bele, tou̒ mohuheli wau tou̒ mokalaja.

Sama-samaata diila mao̒ lipata papaa-lentawalo uwohi mai lowatia ode limongoli todulahee botie.

Mongo wutato, eelai mao̒! Bo EEYA, wau EEYA wambai̒o Allahu Taa̒alanto!

Pongawade mao̒ to polootodu lo uluu̒mu wau popasia mao̒ tobayamu u hee̒elaalo.

Potuladee mao̒ to wolihi lohuhebu belemu wau tohuhebu lo hulubangimu.”

Hulumatia mao̒ EEYA, Allahu Taa̒ala limongoli, wau potaa̒alukulo wau hulumatiyalo Tio Olio wambao̒, wau wonu timongoli motadia, yi pohutua mao̒ uito domi tanggu-Lio wambao̒.

“EEYA Allahu Taa̒ala limongoli helodanti mai odeli nenemoya limongoli tei Abraham, Isihaka wolei Yako deu̒ Tio mamongohi mai lipu boito ode limongoli. Kokoo-taalio udaa̒ wau maa̒amulu, wau diila timongoli tamopo tihulao̒. Bebeelelio polupolu wolo babaa-langiyalo u mopihu, wau diila timongoli tamo luangao̒. Timongoli mamoo̒ dungga aa̒a-liyaalo, wau diila timongoli tamo ngau̒deo̒. Timongoli mamoo̒ dungga ii̒i-lengiyaalo angguru wau jaitun, wau diila timongoli tamo pomulo mao̒. Wonu bolo EEYA modelo olimongoli ode lipu boito, wau timongoli o ngoa̒amilalo u otohilaa tamelo limongoli, yi poo̒dahai mao̒ tio̒otutua alihu timongoli diila mao̒ molipata to EEYA tamalo lopata olimongoli lonto Masiri, tambati limongoli pilowato.

“EEYA Allahu Taa̒ala limongoli lopoa̒hu mai olaatia mopoa̒ajali mao̒ ngoa̒amila butoo̒ botie ode limongoli alihu timongoli moponao̒ mao̒ tolipu u diilalo mohiheo mapo tibiluloa̒ limongoli. Mamusi timongoli wau waliimu mola ngotupa lo tutumulo mohulumati to EEYA Allahu Taa̒ala limongoli wau modungohe ngoa̒amila buto-I̒o u potunggulo mai lowatia olimongoli, alihu timongoli otutumulo hayahaya tolipu boito.

Pohutua mao̒ wolo u modudua̒a to EEYA mopiohe wau aadili, yi timongoli maa aamani sontosa boli maa̒amulu. Huta molomiodu u pilodanti mai lo EEYA odeli nenemoya limongoli, mamowali miliki limongoli

Wonu timongoli molubo ila-ila wewo, yi timongoli mao̒dungga muluka lo EEYA Allahu Taa̒ala limongoli wau pobinasaa-Lio mai sama-samaata, sababu EEYA Allahu Taa̒ala limongoli tawoluo tohuungi mongoli diila mohuto potutuu-wauwola penu boli loolo.

Diila tapolubo ila-ila wewo u hetuboo lo babaa-ngusawalo tahi biluloa̒wa to palitumu.

Diila mao̒ pohimontala to EEYA Allahu Taa̒ala limongoli debo odelo u pilohutu limongoli to Masa.