Popular Bible Verses from TINGULI 5

Share

Hulumatiyalo wau taala mao̒ tiyamo wau tiilamu; ui-uitolo palentaa-U̒, EEYA Allahu Taa̒ala limongoli, alihu timongoli moa̒ahu wau otutumulo hayahaya tolipu u mawohi-U̒ mai olimongoli.

Pohutua mao̒ ngoa̒amila upilo malentai lo EEYA Allahu Taa̒ala limongoli ode limongoli alihu timongoli moa̒ahu wau mowali motitatapu tolipu u mapoti biluloa̒ limongoli.”

Diila mao̒ polubo bui̒ debo odelo uito sababu Wau̒ EEYA Allahu Taa̒ala limongoli wau diila mohuto potutuu-wauwola penu boli loolo. Tau-tauwalo tamolonua̒ ola-U̒ hukuu-maniyo-U̒ demola wali otolulio wau opatio. Bo Wau̒ mopo bilohei ponu-U̒ ode hilihu-lihua wali monto tau-tauwalo tamo tolia̒nga ola-U̒ wau modungohe palentaa-U̒

Diila mao̒ pohutua duo̒lo batangamu bui̒ u penu boli debo odelo wolo wambai̒o uwoluo tohulungo, todunia meaalo todelomo taluhu towalungo lo huta.

Diila mao̒ polubo ila-ila wewo, tubowaalo Wau̒ wambai̒o.

Diila mao̒ polanggula tanggulu-U̒ wolo majanunu, sababu Wau̒, EEYA Allahu Taa̒ala limongoli, mohukuumani mai penu boli tatoonu wambai̒o tamopohuna tanggulu-U̒ diila to tambatilo.

Ntali wonu timongolio laito opongolaasa odito! Ntali wonu timongolio laito mohulumati ola-U̒ wau modungohe ngoa̒amila palentaa-U̒ tilinggula timongolio wau wali mola limongolio moa̒ahu u ohiheo-hiheolo mao̒!

Polamea mola dulahu Saabati wau hulumatia mao̒ odelo dulahu umantali, sababu Wau̒lo EEYA Allahu Taa̒ala limongoli tamo malentai olimongoli.

Diila mao̒ potohilaa uolo taa wewo: belelio, hutalio, dilelio taabua, mongo watolio, bibiahio, kolodailio meaalo penu boli wolo wambai̒o u tilolo hakuulio.’

Diila mao̒ pojina.

Diila mao̒ pongohi sakusi u wimbulo pasali lotaa wewo.

Diila mao̒ pomate mate-mateelo mao̒.

Diila mao̒ potao̒.

Eelai mola deu̒ timongoli muloololio mai pilowatolio to Masiri, lapatao̒ bilebasia lo EEYA Allahu Taa̒ala limongoli wolo olootolo uleidaa̒. Sababu uito timongoli palentaa-U̒ mai u mopolame mao̒ dulahu Saabati.

Timongoli wohiya-U̒ mai wolomohui u mokalaja, bo todulahu u opitulio yito dulahu pohuheliyalo u tolomodu ode ola-U̒, EEYA Allahu Taa̒ala limongoli. Todulahee boito diaaluo penu boli ngotaa mao̒ tamowali mokalaja, mopio timongoli, mongo walau̒mu, mongo watomu, bibiahumu meaalo tau deli tabilu-biluloa̒ to lipumu. Mongo watomu musi mohuheli debo odelo timongoli lohihilao.

‘Wau̒lo EEYA Allahu Taa̒ala limongoli talodelo mai olimongoli yilumualao̒ lonto Masiri, tambati limongoli pilowatolio olimongoli.