Popular Bible Verses from TINGULI 7

Share

Eelai mao̒ deu̒ EEYA Allahu Taa̒ala limongoli yito tatuwa-tuwaulo Allahu Taa̒ala, wau Tio Allahu Taa̒ala utatapu wau molotolo hilao. EEYA mopoo̒polu dantilio wau mopobilohei ponu-Lio utatapu tunggula ngolihu mola wali ode taa u motolia̒nga o-Lio wau modungohe totoonulalo palentaa-Lio.

Pohutuwalo mao̒ ngoa̒amilalo boito sababu timongoli miliki lo EEYA Allahu Taa̒ala limongoli. Monto totoonulalu bangusa totudu lodunia, timongolilo tatilulaoto EEYA Allahu Taa̒ala limongoli.

Bo EEYA molulaotao̒ olimongoli sababu Tio momonu olimongoli wau ohilaa moe̒elai danti u pilohutu-Lio woli nenemoya limongoli. Uitolo sababuulio Tio malo poa̒ahu mai olimongoli wolo kawasa udaa̒ wau lolopato olimongoli lonto sua̒li lowali wato toli olongia lo Masiri.

Timongoli pilonu wau tilulaoto EEYA, diila kalana timongoli lebe udaa̒ wolo babaa-ngusawalo wewo; tutuulio tutu timongoli yito bangusa talaba-labaalo kikiio̒ totudu lodunia.

Monto ngoa̒amila bangusa todunia, diaaluo penu tuwau mao̒ tamoo̒tapu balakati laba-labaalo daatalio debo odelo timongoli. Monto olimongoli ngoa̒amila wau monto totoonulalo bibiahi mongoli diaaluo penu boli tuwau mao̒ u bintela.