Popular Bible Verses from TINGULI 4

Share

Lapatao̒ timongoli mamololohe to EEYA Allahu Taa̒ala limongoli, wau wonu timongoli mololoheo̒ o-Lio wolo lealeaatu lohilaa limongoli, timongoli mamoo̒ dungga o-Lio.

EEYA Allahu Taa̒ala limongoli yito Allahu Taa̒ala talaba-labaalo odehu hilao. Tio diila tamololaa mao̒ meaalo mopobinasa olimongoli, meaalo molipata daantia u pilohutu-Lio lohihilao wolo loluuhuru limongoli.

sababu EEYA Allahu Taa̒ala limongoli debo odelo tulu umoo̒ pobu. Tio diila mohuto potutuu-wauwola penu boli loolo.

Poo̒tuota mao̒ wau eelai mola tio̒otutua, alihu ngotupa lo tutumulumu timongoli diila molipata wolo u masilakusia limongoli lohihilao. Wunggulia mao̒ ode walao̒ wau wombumu

Sababu uito pototaalo lou̒ tau todulahee botie wau diila mao̒ lipata: EEYA tatuwa-tuwaulo Allahu Taa̒ala tohulungo wau todunia; diaaluo taweewo.

Bangusa leidaa̒ toonu tao̒ ila u odito modudulo wonu bolo palaluwolo debo odelo EEYA Allahu Taa̒alanto modudula to olanto? Tio molametai penu boli omolua wambao̒ ito mongiibode mei̒ tulungi mai to Olio.

Wonu bolo timongoli odungga lo ngoa̒amila baala boito wau timongoli todelomo u suukali, yi timongoli mamuli mohualinga ode EEYA Allahu Taa̒ala limongoli wau modungoheo̒ o-Lio.

Wolo u pomalentai lowatia, diila mao̒ duhenga meaalo ilangiyalo penu boli ngoi̒di mao̒. Dungohe mao̒ totoonulalo palenta lo EEYA Allahu Taa̒ala limongoli u wohiu̒ mai olimongoli.