Popular Bible Verses from 1Yohanes 5

Share

Nen, nit yi mende ndi mende Allah akla warlok ambaligogo mende ndak-ndagat, at nen woknisawagaluk nggino yogokonem, ninane asuk koligogoat o, yiluk didiluk, at ilka paga ninayuk degat nggino yogoko dogusak o.

Eti paga, nit nen, “Nena mende Allah nggino yogokonem, at nen ninane asuk koligogo,” ninilu kalok, “Nit yi mende ndi mende nggino yogoko etnogo arat woknisekemo indewerek agosik werek o,” yiluk ninilu o.

Nit Allah nen endak ninakike mende ninebe dombok nen, “Allah wene eti eberogonat,” yiluk ninendainggen at oba panggot diligogi eti paga, it akoni agat oba mende inobabut inikogat dogolik weyak kagarigogi mende eti, obatne deget diluk ninobatne arigogo o. Esigit diluk obatne deget diluk ninobatne arigogo eti paga, wene Allah nen ninasuk wakike wene eti anggin dek, alte mondok o. Eti paga, nit nen, “Allah ebe ninendainggen kunik werek,” yiluk yu kak, at nen wene ninasuk wakike wene eti kologo motogo kagako doguwok o.

Akoni nen Allah aʼbut ebe waganggo kalok, naberlal-kaberlalat waganggasik indewerek agakasik werek o. Mende, it amberek nen Allah aʼbut ebe waganggidek kalok, naberlal-kaberlal waganiluk indewerek agidegat werek o.

Kit kinendainggen Allah aʼbut oba panggot diluk werek mende kinakla nen, “Naberlal-kaberlal indewerek agosik werek,” yiluk kinilu asubagik nen yiluk, wene taʼbokogonat yi kolal mbalogo kinoba laʼbi wagi o.

Nit Allah aʼburi endak ninakike mende at aʼbut alebagik endakike mende etnogo nen ninanggorlem werekma, at obabut weyak mende etnogo nen inggi pakniyagin dek o. Eti paga, nit weyak kunik mondok kagako dogusak dek, yiluk ninilu o.