Popular Bible Verses from 2Yohanes 1

Share

Nit-nit naʼbuwa-kaʼbuwa dogusak eti ebe, wene Allah nen ninasuk wakike wene etnogo motogo kagako dogusak etiat o. Wene ninasuk wakike eti, ebe yi, “Kit-kit naʼbuwa-kaʼbuwarogo kagako dogono o,” yiluk erlo paga nen ninasuk wakikemo kolkugu eti kagat kagako dogusak o.

Ta nen wene Kristus nen yanggul nisasike wene eti paga dukogo kagakidek, ninat mende kagarigogo kalok, Allah ebe indewerek agidek werek o. Esigit diluk mende, ta nen wene Kristus nen yanggul nisasike wene eti paga dukogo kagako dogogin kalok, ninombae Allah inom, aʼbut Yesus inom, imbisak indewerek agasik werek o.

Nen, nit nen kit kagat kinako lagagu etnogo ake, kit amberek onggo waganggidek nuk asunogo yiluk, taʼbokogonat waganubagik nen, kinobabut kwalogo dogono o. Dogolik Allah nen, “Kit onggo wokisagin,” yiluk wene abok yoknisasike etnogo, kit amberek nuk agidek taʼbokogonat korlabagik nen, kinobatnerogo kagako dogono o.

Esigit diluk kagako dogusak eti, it akoni inebe dogalegat nen, “Yesus Kristus eti abat endak lasi wagidek,” yiluk, nuket diyiligogi mende inebe selekma agakasik agat oba yi ai ndi ai taʼbokogonat liligogi eti paga, naʼbuwa-kaʼbuwarogo kagako dogusak yigi o. It eti inebe, Kristus inom mondok weyak dogolik akoni nuket diyiligogi mende etnogoat o.